[retour à un affichage normal]

Mazarinade n° B_19_56

Image de la page

Anonyme [1652], RESPONCE CHRESTIENNE ET POLITIQVE Aux Opinions Erronées du Temps. SANCTA BRIGIDA. Quando sedebit puer in sede Lilij, tunc dissipabit omne malum intuitu suo. , français, latinRéférence RIM : M0_3389. Cote locale : B_19_56.

leur authorité, les seditieux qui declament contre la puissance
absoluë, ce n’est pas pour l’abolir, mais pour la transferer à
eux mesmes, ou à d’autres.
 
Accingere
gladio
super
femu[1 lettre ill.]
tuum
poientissime. Que la Monarchie Françoise est meslée d’Aristocratie.

RESPONCE
IL est vray que les Roys de France qui ont desiré gouuerner
leurs Sujects auec iustice & raison, ont ordonné que leurs
Edicts seroient verifiez en leurs Parlements & enregistrez, &
que leurs Arrests seroient receus pour Loix, mais cette souueraineté
& puissance de iuger definitiuement & sans appel,
vient de sa Majesté, qui seule la receuë de Dieu, C’est pourquoy
encore que le Roy soit absent, tout s’expedie en son nom,
comme s’il estoit present, non de corps mais d’authorité, non
en personne mais en puissance, il creée les Iuges & Magistrats,
& fait les Cappitaines & Generaux d’Armées, & ceux cy
comme ceux la agissent esgallement soubs son authorité, qui
est vnique & sans aucun meslange, ainsi le gouuernement
de France n’est meslé d’aucune Aristocratie, & a vne domination
purement Monarchique & Royalle, d’autant que le
Roy ne releue que de Dieu seul, & n’y a qu’à luy, à qui il
doiue rendre compte de ses actions, les derniers Estats generaux
assemblés à Paris du temps de la ieunesse du feu Roy sur
le subject de l’authorité de nos Roys, tous tomberent d’accord
de ces deux poincts, L’vn que leurs personnes estoient sacrées
& inuiolables, d’autant qu’ils sont les oincts de l’Eternel,
L’autre qu’au temporel de leur estat, ils ne releuoient que de
Dieu de qui ils tiennent leur Couronne, & que personne ne
peut & ne doit resister à leurs volontés que par la voye de la
remonstrance. Encores les Magistrats doiuent bien prendre
garde en faisans ces remonstrances & en les reïterans
comme il est quelque fois à propos de le faire, qu’elle ne
passent pour vne desobeyssance, de peur que les peuples, qui