[retour à un affichage normal]

Mazarinade n° A_8_37

Image de la page

Anonyme [1649], RESPONCE DE LA REINE D’ANGLETERRE Au Prince de Galles son fils. , françaisRéférence RIM : M0_3395. Cote locale : A_8_37.

d’vne imaginaire liberté, se sont dépoüillez de
& toute affection, pour prononcer la mort au plus grãd
Roy du monde ; & ie suis rauie dans mon mal-heur,
de voir que par vostre Lettre vous reconnoissez
celuy qui a permis cette disgrace. Nous deuons
en cela admirer la prouidence de ses secrets
iugements, dont il se reserue la disposition : le veux
me détacher de toutes les affections de ce monde,
puisque i’en ay perdu mon plus cher obiet, pour croi,
re qu’il a fait toutes choses pour le mieux, & qu’il reserue
vne suitte de bon-heur apres tant de disgraces ;
Nous ne pouuions pas tousiours estre heureux, &
cette prosperité dans laquelle nous estions auparauant,
estoit trop grande pour estre de durée, & elle
sembloit nous faire oublier celuy dont nous dependons
entierement. Il a disposé du Roy vostre pere
à sa volonté ; croyez-vous que comme il est tout iuste,
il ne punisse pas de façon ou d’autre ses parricides :
Ce seroit faire tort à sa toute-puissance, d’en
douter, & nous deuons attendre de voir le chastiment
de ses rebelles subiets, & le retour d’vn meilleur
siecle.
 
Ie suis rauie autant que vous, de ne m’estre pas
trouuée en Angleterre pendant sa mort, bien que
la nature & l’amour me fassent croire, que ie ne
deurois pas luy suruiure ; mais ie sçay bien qu’estant
Chrestienne, ie dois attendre qu’il en dispose autrement.
Cependant me voicy en France, où comme