[retour à un affichage normal]

Mazarinade n° A_9_15

Image de la page

Anonyme [1650], RESPONSE DE MESSIEVRS LES PRINCES AVX CALOMNIES & impostures du Mazarin. , françaisRéférence RIM : M0_3399. Cote locale : A_9_15.

d’vne place qui n’estoit d’aucune deffense, & qui
ne le rendoit pas plus considerable dans son gouuernement :
C’est l’action d’vn Prince de vertu, & de
merite, d’auoir voulu dégager sa parole, d’auoit demandé
l’obseruation d’vn traitté si solemnel, particulierement
dans vn article, qui auoit semble si important
à Messieurs du Parlement de Paris & de Roüen,
qu’ils auoient refusé d’accepter les conditions que le
Roy leur auoit accordé, & de signer les traitez, que
prealablement le sieur d’Antouille ne les asseurast que
Monsieur le Duc de Longueuille estoit entierement
satisfait, il consideroit que c’estoit donner atteinte aux
Declarations que de souffrir ce manquement de foy,
qu’on tireroit à consequence dans les autres conditions,
encor plus importantes, & que cette contrauention
pour le suiet d’vn des plus considerables du
party, pouuoit faire penser au restablissement du Semestre
de Roüen, particulierement si l’on vouloit introduire
vne difference de ses interests d’auec ceux de
la Prouince, & des autres conditions qui furent accordées
dans le traité.
 
Il ne reste plus que quelques accusations que l’on fait
passer pour Capitales : la premiere est la protection
qu’on veut qu’il aye donné à Ierzay contre la Reyne
mesme. Ie ne sçay il n’y eust pas eu plus de prudence
à dissimuler le ressentiment qu’on a fait conceuoir à
sa Maiesté de la faute de Ierzay, que de la rendre publique
par les plaintes qu’on en fait faire au Roy. Veritablement
ie ne sçay pas si tous ses déguisemens,
dont on s’est seruy pour oster la cognoissance de sa
disgrace empescheront les mauuaises interpretations
que les ennemis de l’Estat sont capables de donner
dans vne action qu’on n’a peu expliquer dans la Lerre,
du Roy, & qu’on a voulu faire cognoistre par Enigme,