[retour à un affichage normal]

Mazarinade n° B_2_15

Image de la page

Anonyme [1652], RESPONSE DV ROY, SERVANT DE REPLIQVE, A LA DERNIERE LETTRE DE SON ALTESSE ROYALE. ARTICLE PAR ARTICLE Les Desseruices que les Mazarins ont rendu à sa Majesté, Le changement qu’ils ont faict en ses Conseils, Auec les Moyens de preuenir leurs mauuais desseins. , françaisRéférence RIM : M0_3441. Cote locale : B_2_15.

meschant dessein qu’ils ont de se maintenir dans
les troubles, & mettre la diuision & la dissention
entre tous les ordres de France, par ceux qu’ils
reçoiuent tous les iours de Mazarin, qui n’ignore
rien de ce qui se passe au Royaume, cõme estant
assez soigneux de l’informer de tout, & pour cela
ils tirent de grosses pensions & de bons appointemens
de luy, & ont les premieres charges au
Conseil du Roy.
 
Ce discours est comme vn auant-propos des
Memoires suiuans, qui seruiront de Replique à la
Response publiée fous le nom du Roy à la lettre
de son Altesse Royale escrite à la Maiesté.
Pour le premier article de la Response du Roy,
où l’on faict aussi parler sa Majesté. On attaque les
Ministres, & on descrie la conduitte des affaires,
comme vous faites aujourd’huy, vous voulez me
faire croire que le retour de mon cousin le Cardinal
Mazarin est la cause de la prise des armes, & ne
voulez pas vous souuenir qu’il estoit bien auant
dans l’Allemagne, & bien esloigné de reuenir dãs
mon Royaume comme on a commencé de les
prendre : vous sçauez tres-bien qu’il ne se parloit
point de sa venüe, quand au mois d’Octobre dernier
la mauuaise conduite des Princes de Condé
& de Conty qui s’estoient retirez de ma Cour,
faisans les mescontens & sans prendre congé de
moy m’obligea d’aller en personne dans ma Prouince
de [1 mot ill.]