[retour à un affichage normal]

Mazarinade n° C_9_79

Image de la page

Anonyme [1649], REVELATION POVR LA PAIX, Du Reclus du mont Valerien, à vn bon Religieux. Faite le 9 de ce mois. , françaisRéférence RIM : M0_3542. Cote locale : C_9_79.

à M. le Cardinal, car il n’en est qu’vne cause esloignée,
mais à nos pechez qui en sont la plus prochaine
cause ; Dieu ne peut pas tousiours souffrir
le regne du luxe & de l’abõdance, il veut qu’on recognoisse
les faueurs qu’il fait, & qu’on ne l’oublie
pas dans l’abondance. Ces desordres que Dieu enuoye
à son peuple ne sont que de petits chastimens
aupres des rigueurs dõt sa Iustice s’est seruie
pour chastier des villes rebelles à sa prouidence,
par son tonnerre, & toute la terre par son deluge.
Il sembloit que les vices estoient montez au haut
de l’insolence, & que Dieu n’auoit point de tonnerre
& de iustice pour en arrester le cours : Cependant,
mon Reuerend Pere, ie vous annonce
que tres-certainement ce siege ne durera plus
guere, & que les Parisiens gousteront les douceurs
de la Paix ; mais qu’ils en rendent graces à
celuy qui la leur donnera, & qu’ils reconnoissent
ses faueurs dans ce Saint temps de Caresme, & ne
retombent plus dans leur insolence, & dans leurs
débordemens : Ie prie Dieu mon Reuerend Pere,
qu’il leur en fasse la grace, & veüille vous combler
de ses benedictions ; en attendant ie me recommande
à vos bonnes prieres.
 
Le Religieux.
Mon bon Frere, ie vous remercie, & me recommande
aux vostres, priant Dieu qu’il vous
arme d’vne sainte patience dans vostre solitude.