[retour à un affichage normal]

Mazarinade n° B_16_59

Image de la page

Bourbon, Henri de [signé] [1652], MANDEMENT DE HAVT & puissant Prince Monseigneur HENRY DE BOVRBON, Euesque de Metz, Abbè de l’Abbaye S. Germain dez Prez. Pour la Procession generale & solemnelle ou sera portèe la Chasse de S. Germain, le Dimanche 16. du present mois de Iuin. 1652. , françaisRéférence RIM : M0_2345. Cote locale : B_16_59.

des morts. ACES CAVSES apres vous auoir conuié
de ioindre vos prieres auec la Ville de Paris en l’inuocation
de Saincte Geneuiefue, selon vostre deuotion. Nous
auons ordonné de faire descendre la Chasse du bien-heureux
S. Germain Samedy au soir afin d’estre portée en toute
reuerence & deuotion possible auec sept autres Corps
saincts. Sçauoir de S. George, & sainct Aurele Martyrs,
sainct Thuriaue Archeuesque de Dol, sainct Amand Euesque
d’Vtrech, sainct Droctouée second Abbé de ce Monastere,
sainct Venant Abbé de sainct Martin de Tours,
sainct Leufroy Abbé, en vne procession solemnelle qui
partira Dimanche seiziesme du present mois à huict
heures du matin, de nostre Eglise Abbatiale ; pour aller
à celle de sainct Sulpice, ou sera celebrée la
Messe solemnellement : apres quoy on retournera
en nostre Eglise Abbatiale. A laquelle Procession
& Messe nous vous enioignons d’assister afin qu’estans
vnis de presence & charité auec nostre S. Prelat & Patron,
il ouure cette bouche celeste en laquelle Dieu a mis la parole
de reconciliation & daigne encor faire la fonction d’vn
vray Pontife, de laquelle il s’est si dignement acquitté,
comme tres fidel Sequestre & Mediateur entre Dieu &
son peuple : representant à la diuine clemence nos miseres
& calamitez, & nous r’aportant absolution & consolation.
Et parce que les Saincts, ainsi qu’enseigne sainct Augustin,
veulent voir en nos mœurs la ressemblance de leurs vertus,
pour se rendre nos pleiges en nos afflictions : outre vn iour de
ieusne que nous vous indicquons à Samedy 15. du present
mois, nous vous exhortons par la charité de IESVSCHRIST,
de faire des prieres & aumosnes selon les