[retour à un affichage normal]

Mazarinade n° B_13_2

Image de la page

Gaston / de Fromont [signé] [1652], LETTRE CIRCVLAIRE ESCRITE PAR SON ALTESSE ROYALE A MESSIEVRS LES GOVVERNEVRS DES PROVINCES, SVR LE SVIET DE SA QVALITÉ DE Lieutenant general du Roy en l’estenduë de son Royaume, Terres & Seigneuries de son obeyssance tant que le Cardinal Mazarin sera en France. , françaisRéférence RIM : M0_1823. Cote locale : B_13_2.

LETTRE CIRCVLAIRE ESCRITE
par son Altesse Royale à Messieurs les Gouuerneurs
des Prouinces, sur le sujet de sa qualité de
Lieutenant general du Roy en l’estenduë de son
Royaume, Terres & Seigneuries de son obeyssance,
tant que le Cardinal Mazarin sera en
France.
MON COVSIN,
N’ayant point eu d’autre object
dans tous les mouuemens presens
que de satisfaire à ce que ie dois au
seruice du Roy, Monseigneur &
Nepueu, au bien de son Estat, & à ce
qui est necessaire pour le solide restablissement de la
tranquillité publique, ie me suis tousiours proposé de
conformer tous mes sentimens aux prudentes deliberations
de ce Parlement, & ce d’autant plus qu’estant
bien persuadé, comme il ne peut iamais errer en vn
sujet si important, ie sçay qu’il sera tousiours vn tesmoin
irreprochable de ma conduite, comme il en a
esté la regle ; De sorte que c’est ce qui m’a obligé
d’employer l’authorité de sa Maiesté & la mienne,
pour m’opposer autant qu’il m’a esté possible, auec le
peu de forces que i’ay pû mettre ensemble, au retour
du Cardinal Mazarin, & à empescher en suite qu’il
ne se soit saisi des principales Villes de mon Apennage,