[retour à un affichage normal]

Mazarinade n° C_3_36

Image de la page

Habsbourg, Léopold-Guillaume de [signé] / Illescas e Arnolfini, José de [signé] [1649], LETTRE ESCRITE PAR L’ARCHIDVC LEOPOLDE, A MESSIEVRS LES PRESIDENS & Gens tenans la Cour de Parlement de Paris. , françaisRéférence RIM : M0_2222. Cote locale : C_3_36.

MESSIEVRS, Ie vous enuoye le Porteur
de Cette, qui vous dira de ma part, ce que ie luy ay
enchargé ; & ainsi ie vous prie de luy donner entiere foy
& credence, & sur ce ie prie Dieu de vous auoir,
MESSIEVRS, en sa saincte garde. De Bruxelle le 10.
de Feb. 1649.

Vostre tres affectionné,
LEOPOLDE GVILH.
Proposition faite par moy soubsigné à Messieurs du Parlement,
de la part de Monseigneur l’Archiduc Leopolde,
leFeburier
APRES auoir presenté ma Lettre de Creance, i’ay dit
que ie ne pouuois douter que ma venuë ne fust agreable
à la Compagnie, puis que i’apportois les offres
de la Paix tant desirée par toute la Chrestienté,
& si necessaire au bon-heur & à la tranquillité de
deux Couronnes ; qu’il estoit vray, que depuis deux ans le Cardinal
Mazarini ne l’auoit point voulu conclure, quoy qu’il eust pû
le faire, auec des conditions aduantageuses à la France. Mais que
depuis la sortie du Roy hors de Paris, ledit Cardinal auoit recherché
& proposé vn accommodement, auec des conditions qui
estoient fort aduantageuses à l’Espagne, ayant tesmoigné que son
principal motif estoit de chastier, ainsi qu’il disoit, les Rebel les du
Parlement, & mettre Paris à la raison, apres qu’il auroit ioinct les
forces de France & d’Espagne, par le moyen de cette Paix, que
neantmoins le Roy Catholique mon Maistre, n’a pas estimé qu’il
fust ny seur ny honneste d’accepter ses offres en cette saison, ayant
iugé qu’il ne luy seroit pas honnorable de prendre, cette occasion,
de contribuer à l’oppression d’vne si Auguste Compagnie, & de la