[retour à un affichage normal]

Mazarinade n° C_3_41

Image de la page

Henri (Prince de Galles) [signé] [1649], LETTRE DV PRINCE DE GALLE ENVOYÉE A LA REYNE D’ANGLETERRE. Auec les regrets du mesme Prince sur la mort du Roy de la grand Bretagne, son Seigneur & pere. Arriuee d’Amsterdam le 24. Feurier 1649. , françaisRéférence RIM : M0_2129. Cote locale : C_3_41.

Aduertissement au Lecteur,
MESSIEVRS, si la mort funeste & tragique
du Roy d’Angleterre, que la posterité ne li a iamais
qu’auec estonnement aux siecles à venir : & dont les
Histoires n’ont iusques icy dans les reuloutions des temps
fourni aucun exemple, a fait horreur à ceux qui n’estoient
point interressez dans ses affaires, elle à bien fait sans doute
d’autre impressions dans l’esprit de ceux qui luy appartiennent
de plus prez : & notamment sur la personne du Prince
de Galle, digne fils d’vn bon pere & logitime successeur de ce
Roy mal-heureux qui ne luy laisse à ce que vous voyez qu’vne
couronne empourpree de son sang, comme heritier de ses infortunes,
aussi bien que de ses Royaumes. Le silence seroit
peut estre vn maistre plus disert que moy, ou il s’agist de la relation
des transports de ce Prince magnanime, à l’arriuee du
courier qui luy apporta les premieres nouuelles de cette barbarie :
mais puisque i’ay esté informé d’vne partie des paroles
qu’il prononça pour lors. Apres vn long silence entrecouppé
de mille sanglots, i’ay iugé à propos de vous en faire part,
suiuant le recit qui m’en fut fait hier sur les huict heures du
soir, par vn des Gentils-hommes de la Reyne d’Angleterre,
arriuee en cette ville depuis vn iour, auec vne lettre
de la part du mesme Prince de Galle. Voicy ce qui m’en a
esté rapporté.