[retour à un affichage normal]

Mazarinade n° A_4_4

Image de la page

La Mothe-Houdancourt (Henri de) [?] [1649], PREMIER FACTVM, OV DEFENSES DE MESSIRE PHILIPPES DE LA MOTTE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Cathalogne. Auec plusieurs Requestes, Arrests, & autres actes sur ce interuenus, tant au Conseil, qu’ailleurs. , françaisRéférence RIM : M0_2849. Cote locale : A_4_4.

il n’y a que les crimes de perfidie qui les y puissent obliger, s’ils
faisoient autremẽt ils diminueroient l’authorité Royalle, en laquelle
il est necessaire qu’ils les laissent agir sans aucune crainte.
Iusques à present ils se sont contentez de les reuoquer sur
les plaintes des peuples, sans vouloir plus auant penetrer les
motifs de leurs actions.
 
Et dautãt qu’aucuns ont voulu dire, qu’on auroit fait le procez
au Duc d’Ossonne ; A fin de monstrer, que ce n’a point esté
au subjet de son administration de Naples qu’il fut prisonnier :
La verité de l’Histoire est, que le feu Roy Philippes troisiéme
Pere de la Reyne Regente, reuoqua de Naples le Duc d’Ossonne,
sur la plainte que les peuples luy firent de la liberté de
son gouuernement : apres quoy ce Duc retourna en Espagne
rendre compte de son administration à la personne de sa Majesté
Catholique. Il demeura depuis en consideration dans la
Cour de Madrid, iusques à la mort du Roy son Maistre. Philippes
quatriéme ayant succedé à la Couronne, il y eut vne reuolution
toute entiere aux affaires d’Espagne. En cette mutation
le Duc d’Ossonne fut arresté, non à cause de ces Vice-Royautez
de Sicile & de Naples, mais au suiet de ce qu’il estoit parent
& confident des Ducs de Lerme, & d’Vssede qu’on entreprenoit.
Il fut en prison pendant deux ans sans aucune formalité
de Iustice, iusques au iour precedent de sa mort, que le Roy
luy enuoya dire qu’il n’estoit plus prisonnier.
D’objecter que ce n’est pas la coustume de France qu’il y ayt
des Sujets exempts de la Iurisdiction des Parlemens. Il ne s’agit
pas icy des coustumes anciennes de France, mais de celles de la
Catalogne, qui s’est vnie depuis sept ans à cette Couronne
auec toutes ses libertez & franchises qu’elle possedoit soubs la
domination d’Espagne. Ce n’est pas la coustume de France que
le Roy soit obligé pour la disposition des charges & benefices
d’vne Prouince, à ne faire choix que des naturels du mesme
pays ; Il est libre à sa Majesté d’enuoyer vn Gascon en Picardie,
pour remplir vne Charge, ou dignité vacante : Mais pour la Catalogne
le Roy ne peut faire election que d’vn Catalan pour
remplir les Offices vacants. Ce n’est pas la coustume qu’vn