[retour à un affichage normal]

Mazarinade n° A_4_7

Image de la page

La Mothe-Houdancourt (Henri de) [?] [1649], QVATRIEME FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, latin, espagnolRéférence RIM : M0_2849. Cote locale : A_4_7.

pas sur les Ordonnances des Generaux, elles leur seruent bien
de loy pour le payement & le deboursement des deniers qu’ils
ont à faire ; mais il faut rapporter à la Chambre des Comptes
tous les Acquis des Officiers de l’Armée, auec tous les certificats
& controlles ; sans quoy, auec les seules Ordonnances
desdits Generaux, la despense en seroit rayée ausdits Commis,
& iettée sur eux en pure perte, outre l’amende en laquelle ils
seroient condamnez en tel cas, & la prison iusques à remplacement.
 
Et partant, puis qu’il ne se trouue aucun Prest dans l’Estat
& le fonds de la Recepte des années 1642. & 1643. qui ne soit
employé dans celuy de la despense, par Ordonnance du sieur
Mareschal, visée de l’Intendant ; qu’aucun autre payement n’a
esté fait que par les mesmes Ordonnances, visées des Intendans ;
Où y a-il lieu à la malice de trouuer à redire à vne telle
conduite ? Si ce n’est que par vne rigueur & seuerité inoüye
contre les propres fonctions & dignitez des Generaux d’Armée,
on veüille obliger monsieur le Mareschal de la Mothe à
monstrer les quittances des payemens faits aux particuliers sur
toutes ses Ordonnances, & ainsi le traitter non en Mareschal
de France, mais en Commis de l’Espargne, comme on le traitte,
l’ayant reduit à la troisiéme Chambre, non en Viceroy, ny
Officier de la Couronne, mais en simple Paysan & Laboureur
de Dauphiné. Fabrication de Monnoye.
LA sixiéme accusation & recherche qu’on a fait contre
monsieur le Mareschal en Catalogne, & dont on ne parle
plus, est sur la fabrication, conuertissement, & alteration des
monnoyes.
Mais pour sa iustification ledit sieur Mareschal employe les
Informations mesmes faites en ladite Prouince par Chirat auec
tant d’actiuité, pour l’enuelopper dans ce crime ; dans lesquelles
le nom du sieur Mareschal ne se voit pas seulement exprimé,
tant le pays, petits & grands, ont trouué sa vie & sa conduite
innocentes de telles recherches. Peut-on auoir vne meilleure