[retour à un affichage normal]

Mazarinade n° A_4_7

Image de la page

La Mothe-Houdancourt (Henri de) [?] [1649], QVATRIEME FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, latin, espagnolRéférence RIM : M0_2849. Cote locale : A_4_7.

Prest de supposé, comme ledit Dorée l’a malicieusement
deposé.
 
EN TROISIESME LIEV, il se iustifie euidemment par les
depositions de ces trois Tesmoins, que le sieur Mareschal n’a
receu actuellement, ny la somme entiere dudit Prest, ny aucune
partie d’iceluy, comme il paroist par le 21. Article dudit
Interrogatoire de Dorée, où Enquis en quelles especes & par qui
ledit Prest a esté payé audit sieur Mareschal de la Mothe : Il dit qu’il
n’en sçay rien, qu’apres auoir visé l’Ordonnance du 18. Prest, il ne
s’est pas informé par qui, & en quelles especes ledit sieur Mareschal
s’en est fait payer : & que c’estoit vne affaire à demesler entre luy &
lesdits Commis de l’Extraordinaire.
Pour Talon dans ses Interrogations Article 9. Il dit, qu’il
n’estoit present au compte quand il fut arresté par Monsieur Dorée, &
Dormé son Commis, & qu’il estoit malade. Il dit de plus Art. II.
que ledit Prest a esté couché & supposé dans ledit Estat pour remplacer
les sept mil pistolles qu’il auoit prestées à Monsieur le Mareschal.
Donc ny l’argent du Prest entier, ny partie d’iceluy n’ont
esté mis entre les mains dudit sieur Mareschal par leur propre
confession : Et partant ou ledit argent a esté payé aux troupes
suiuant les Ordonnances dudit sieur Mareschal visées par ledit
Dorée & le compte desdits Tresoriers : ou bien l’argent
est [illisible] mains desdits Intendant & Tresoriers, lesquels
en [illisible] en peuuent compter au Roy ; ce que ledit sieur Mareschal
n’empesche pas. Car puis qu’il conste par leurs depositions
qu’il ne l’a pas receu, il ne peut estre accusé de l’auoir fait
supposer, d’autant qu’il n’auroit pas fait diuertir ledit Prest
sans en retirer l’argent à soy.
De dire que s’il n’a pas touché actuellement ces sommes,
neantmoins il les a fait toucher aux Commis pour s’acquitter
[1 mot ill.] de sept mil pistolles qu’ils luy auoient prestées : Qui dit
cela ? & comment le prouue-on ?
Dorée Art. 25. de son Interrogatoire de Paris, declare,
qu’il ne sçait pas, & qu’il n’a iamais entendu dire que les Tresoriers
eussent presté sept mille pistolles à Monsieur le Mareschal, & partant
[1 mot ill.] pouuoit passer vn Prest supposé pour remplacer vne somme