[retour à un affichage normal]

Mazarinade n° B_1_1

Image de la page

La Mère de Dieu, Pierre de (dit Bertius, Abraham) [1647], LES VERTVS ROYALES D’VN IEVNE PRINCE. , français, latinRéférence RIM : Mx. Cote locale : B_1_1.

les entretiens ordinaires soiẽt au dessus des Astres ;
il faut estre entre les mortels, ce que le Phœnix
est entre les oyseaux, ce qu’est le Feu entre les Elemens,
le Soleil entre les Astres, & les Seraphins
entre les celestes intelligences ; le veux dire, qu’il
faut estre vn précis, & vn abregé de toute sorte de
perfections,
 
Pour Gouner
vn ieune
Prince,
il faut posseder
toutes
les vertus.
Auoir le Gouuernement des ieunes Princes,
c’est estre Roy des Roys, & exercer son Empire,
sur ceux qui commandent Souuerainement aux
peuples : iuges (s’il vous plaist) quels auantages il
faut posseder, pour meriter vne si excellente dignité ?
iugés, si ce n’est pas vne temerité d’ambitionner
vne charge, dont on se sent incapable ?
iugez si le public n’auroit pas suiet de s’offenser, si
quelqu’vn se vouloit méler d’vn Office, dont il
n’a qu’vne fort legere teinture ; il est donc constant,
que le Gouuerneur d’vn Prince, doit estre
tres-parfait, & tres-accomply, pour s’approcher
familierement de la personne Royale.
Si on me demande ce qui doit éclatter dauantage
dans vn sage Gouuerneur ; ie dis que sa prudence
doit presider à toutes les vertus ; aussi est elle
considerée comme la maistresse des qualités
spirituelles ; & estimée la Reyne des vertus Morales,
qui sans son Empire tomberoient en décadence ;
La prudence luy enseignera à estudier les
humeurs, & les inclinations de son petit Prince,
elle luy faira captiuer ses bonnes graces, moderera