[retour à un affichage normal]

Mazarinade n° A_5_34

Image de la page

La Tour d'Auvergne-Bouillon, Henri (vicomte de Turenne) [?] [1649], LETTRE DE MONSIEVR LE MARESCHAL DE TVRRENNE ENVOYÉE A MONSIEVR LE DVC DE BOVLLON. , françaisRéférence RIM : M0_2026. Cote locale : A_5_34.

son bien, quelque effort qu’ont pû faire plusieurs
Grands Seigneurs qui s’estoient rendus Mediateurs,
pour transiger & faire son accord. La malice Mazarine
leur a seruy d’obstacle, & empesché vn bien si
signalé : Il a si artistement broüillé les affaires, tant
de ce chef, qu’au dedans & dehors du Royaume,
que c’est comme vne incendie & feu inextinguible,
mesme empesché la Paix, lors qu’on la pouuoit faire
aduantageusement, & l’a voulu faire depuis les Baricades
en çà, afin que par cette pacification, il peust
auoir en main les forces ennemies, & s’en seruir pour
perdre le Parlement, & la France. Et pour faciliter ses
pernicieux desseins, il a ioint auec les prieres, des offres
qui le rendront à iamais criminel.
 
Ie m’estonne comme la Reyne se laisse aueugler
par vn meschant, qui fait rouler ces interests aux
despens de cette Monarchie. Son mauuais conseil a
vn grand empire sur l’esprit de cette grande Reyne,
elle qui a tousiours esté dans l’approbation & estime
des Peuples, & qui ont veu éclater sa pieté, auant
que cét impitoyable Ministre eust accez aupres d’elle.
Il ne s’en faut estonner, veu que ces artifices &
addresses ont captiué les cœurs, & attiré à luy ceux
qui estoient consciencieusement obligez de porter
leurs Armes contre luy, comme estant le Tyran de
la France, & l’Ennemy du Roy.
C’est ce qui a esté bien exageré par cette vertueuse
Compagnie : Sans elle, il alloit renuerser toutes
les affaires de l’Estat, & enuahir les restes, que sa tyrannie