[retour à un affichage normal]

Mazarinade n° C_3_48

Image de la page

Latour,? (capitaine) [?] [1649], LETTRE DV CAPITAINE LA TOVR CONTENANT LA REFVTATION des Calomnies imposées au party du Parlement, & de la Ville de Paris. , françaisRéférence RIM : M0_2083. Cote locale : C_3_48.

& empescher par ce moyen, la desolation de l’Estat
qu’elle appuye & authorise, notamment, puis que
les premiers Princes gagnez par les artifices du Cardinal
Mazarin, en ont abandonné le soin, autrement
il se rendroit luy mesme responsable du mal
qui en arriueroit pendant la minorité du Roy.
 
Adioustez à cela, que comme les Sujets doiuent
obeïssance aux Roys, les Roys leur doiuent protection :
ces deuoirs sont reciproques, en sorte que
qui manque à l’vn, décheoit necessairement de l’autre,
& ainsi d’abord que les Roys priuent eux mesmes
de leur protection leurs Sujets sans Iustice, ils
les absolvent du serment de fidelité, & leur mettent
en main les armes, pour se deffendre legitimement
contre leurs oppressions, d’autant qu’ils sont establis
pour regir & proteger leurs Peuples, non pour
les opprimer : c’est pour cela que les vrays Roys &
Princes ont de coustume auant que d’employer
leurs armes contre leurs Sujets & Vassaux, de les faire
citer & condamner auparauant, par des Iuges legitimes,
& les faire declarer rebelles & felons, afin
que les exploits de guerre qu’ils font en suite contre
eux, paroissent plustost vne execution raisonnable
de la condemnation qu’ils ont encouruë, qu’vn
effet de colere & de vengeance, qui sont passions
basses & indignes de la Maiesté des Roys, tant il
leur est important, & pour ainsi dire, essentiel, d’estre
tousiours dans les termes de Iustice : Et si pour
la mesme consideration ils ne peuuent perdre vn