[retour à un affichage normal]

Mazarinade n° B_18_30

Image de la page

Loret, Jean [?] [1652], HVICTIESME GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_30.

Cette Chasse tres-respectée
Fut a Nostre Dame portée,
Pour du Ciel obtenir la Paix
Selon les plus communs souhaits,
On n y veit ny Marquis, ny Comtes,
Mais toute la Chambre des Comptes,
Et tout le corps du Parlement,
Et l’on y veit pareillement
Les Escheuins, & la Police,
Auec quelques gens de milice
Pour faire ranger les Courtauts
Qui n’estoient point sur echaffauts,
L’Archeuesque de cette Ville
Dont la main tremblante & débille
Benissoit le Peuple courbé
Estoit a costé de l’Abbé
L’Abbé de bout, luy dans sa chaise
Assis doucement a son aise
Par ses domestiques porté
Mais si doré si clinquanté
Qu’il auoit aussi bonne mine
Comme vn Dieu dans vne machine
Ce fut la ma conception
Quand ie vis la Procession
Qui fut fort deuotre & fort belle
Car on voyoit paroistre en elle
Outre ces deux Prelats Saccrez
Tous deux Croisez, tous deux Mittrez
Deux cens Prestres, deux cens Chanoines
Et sept cens soixante dix Moynes
Tant ieunes, vieux, gros que menus
Dont la plus part marchoient pieds nuds
Plusieurs ayans ceintes les hanches
Daubes tres fines & tres blanches
Auec des guirlandes de fleurs
De mil agreables coulleurs
Portoient sur leurs espaules larges
Comme de precieuses charges
De beaux & riches vases plains
De Reliques de diuers Saincts
Multitude d’hommes & de femmes,
Bourgeoises Damoiselles, Dames,
Seruantes, Maistresses Vallets,
Faisoient toucher leurs Chappelets
Auec des ferueurs Catholiques
Aux susdites saincte Reliques,
Dont se tres venerable aspect
Inspiroit par tout du respect ;
De Condé mesmement l’Altesse,
Et Beaufort Prince a blonde tresse,
Les bons amis du Mazarin,
Estans pres de Sainct Souerin
Les voyant passer s’inclinerent,
Profondément les [1 mot ill.],
Et Condé prit vn grand soucy
De leur faire toucher aussi,
En faisant là le bon Apostre,
Maint Chappelet & Pattenostre,
Et des Rosaires maints & maints
Qu’il receuoit de toutes mains,
Quoy que ce fust ou non grimasse
Cela charma la populasse,
Chacun auec affection
Admiroit sa deuotion,
Il n’estoit plus ce personnage
Qui dans Charenton fit carnage,
On ne le consideroit plus
Comme vn des autheurs du blocus,
Comme vn heros, comme vn tonnerre,
Nv comme vn grand foudre de guerre,
Mais il estoit lors regardé
Comme vn vray Monsieur S. Condé.
 
 
On asseure que le iour mesme
Le Roy touché d’vn zele extresme
De voir ses suiets en repos.
Comme il souhaitte à tout propos.