[retour à un affichage normal]

Mazarinade n° A_7_49

Image de la page

Mazarin, Jules [signé] [faux] [1649], TESTAMENT SOLEMNEL DV CARDINAL MAZARIN PAR LVY FAIT AV TEMPS DES BARICADES, Et trouué depuis sa sortie de Paris, en son Cabinet, datté du 29. Aoust 1648. Auec l’aduertissement de la vente de ses biens &c. suiuant l’Arrest de la Cour du mois precedant. , françaisRéférence RIM : M0_3766. Cote locale : A_7_49.

estant mariee & n’ayant point d’enfant, ie veut
& entend que les susdits articles tournent
aux descendans & plus proches, le present article
seruira de regle tant à mes nepueux, niepce qu’autres
heritiers, qui subiront le mesme regime, &
ainsi à continuer de lignée en lignée, & de temps
en temps.
 
Pour ma petite niepce sa sœur, outre ce qui est
contenu au cinquiesme article, receura vne cassette
d’argent, dans laquelle est inclus vn colier de
perles fines, auec vne toilette tissuë d’or, dans laquelle
sont enpaquetée vne croix de diamans, soustenuë
par deux Cherubins, deux reliquaires enchassez
dans deux estoilles brillantes de pierreries,
de la valeur de trois cens mil liures, & en cas qu’elle
demeure en Religion ou soit preuenuë par la
mort, cette donation ira de droict fil aux sutuiuans
& plus proches.
Item, ie donne & legue mon Palais qui est à
Rome auec d’autres superbes maisons que i’y ay
acquises suiuant les contracts que i’en ay, demeureront
à mon pere, pour en iouyr sa vie durant, &
apres son deceds mes plus aptes heritiers.
Ie donne aussi à mondit pere toute ma vaisselle
d’argent & tapisseries, à l’exception de celle de lucresse
que i’ay promise, de la quelle ie feray mention
dans vn article suiuant, toutes mes rentes
constituée & prest d’argent, les émolumens & arrerages
qui en prouiendront seront par luy perçeus
& touchez, fans toutefois qu’il puisse diminuer