Mazarinade n° C_1_19
Image de la page
Anonyme [1649], LA CONFERENCE DV CARDINAL MAZARIN AVEC LE GAZETIER, Iouxte la coppie Imprimée à Bruxelles. , françaisRéférence RIM : M0_742. Cote locale : C_1_19.
il n’en falloit pas parler si souuent, & auec tant d’exceds dans nos
gazettes : il valoit mieux de les publier pour gens de parole & de
bonne foy, que de les blasmer de tant & de si cruelles perfidies,
comme nous auons fait. Combien pensez-vous que cela a fait de
bruit à Paris, & combien cela sert pour animer les peuples ? On le
dit par tout hautement, qu’il ne faut iamais s’attendre à aucune paix
auec vous, si on ne se veut resoudre à la misere de ceux de Naples,
souz la furie des Espagnols, & encore à quelque chose de plus
barbare s’il se peut imaginer, parce que vous estes d’vn naturel plus
cruel & plus felon, & de ces personnes qui ne pardonnent iamais.
Si vous auiez leu la lettre d’auis d’vn Prouincial, escrite au Parlement,
vous auriez veu auec quelle force il debite & presse cet argument.
Ainsi, quoy qu’il arriue, ou de paix ou de guerre, tenez
pour tout asseuré, que les Parisiens seront desormais tellement sur
leurs gardes, que si vous entreprenez quelque chose, vous vous
trouuerez pris au trebuchet. Ils reconnoissent leurs fautes aussi
bien, que vous les vostres : ce sera ioüer au plus fin, & au plus fort,
& ie ne pense pas que vous deuiez iamais penser d’y retourner ; car
le Roy, ny la Reyne, ny les Princes, ny le Parlem. ny tous les Filoux
de vos gardes, ne seroiẽt pas assez forts pour vous garẽtir de la furie
du peuple. Pour ce qui est de la Bastile, il y a long-tẽps qu’on sçait le
Conseil barbare de la Meilleraye sur ce suiet : le parlement ny les
Parisiens ne seront pas si sots de se laisser cette espine au pied, & il y a
apparence qu’à la premiere occasion elle sautera pour faire la premiere
entrée du balet. Il sembleroit plus expedient, sauf meilleur
aduis, de songer à vne retraitte honorable, en éuitant celle
qui est honteuse & infame dans l’execution de l’Arrest du Parlement.
En quoy i’aprehende que V. E. ne tarde beaucoup, & qu’en
fin il n’y en ait plus de lieu, lors qu’elle le desirera le plus.
Le Card. Ainsi à ce que ie vois, tu voudrois que ie fusse desia
bien loin, & toy à Paris mais pren garde de ton costé, que ce ne
soit la fatalité de ta prophetie, qui te force de me donner cet aduis,
puis que tu dois estre pendu, lors que ie ne seray plus dans le gouuernement.
Gaz. Monseig. elle ne dit pas que vous soyez hors du gouuernement,
ny mesme de l’Estat, mais lors que vous en serez chassé.
Or ie pretends, que se retirer honnestement, & de soy-mesme, ne
doit pas estre appellé vne chasse, au contraire, ie mets ma vie en seureté,
& me garentis de la corde, puis qu’estant vne fois hors du
Royaume, vous n’en serez point chassé, n’estãt pas d’ailleurs croyable que
Image de la page