[retour à un affichage normal]

Mazarinade n° B_20_46

Image de la page

Anonyme [1652], LA CONIVRATION ITALIENNE CONTRE LA FRANCE, Par l’introduction des ITALIENS, des ANGLOIS & des SAVOYARDS, Au Conseil DV ROY. Qui sont les effets de la haine que le Cardinal Mazarin porte aux François. , françaisRéférence RIM : M0_758. Cote locale : B_20_46.

leurs interests. Par sa coniuration il fit assassiner
vn Samedy matin vnziesme Decembre de la
mesme année 1649. vn des Syndics des Rentiers
le sieur Ioly, & des plus portez à leur payement :
& au mesme temps il fait courir le bruit que cét
assassinat estoit le commencement d’vne conspiration
par luy formée contre la vie de plusieurs
autres Syndics & Rentiers, & mesme cõtre
Monsieur de Broussel chez le Presidẽt Charton,
& quelques autres Officiers du Parlement
qui soustenoient la Iustice des Rentiers, & la
nuit suiuante il vouloit faire enleuer Monsieur
le Duc de Beaufort & Monsieur le Coadiuteur,
parce qu’ils auoient pris la protection des Rentiers
& leur auoient offert leur assistance.
 
Le 7. Ianuier de la mesme année, iour d’apres
l’enleuement du Roy hors de Paris, il fit voir sa
coniuration contre le Parlement de Paris, faisant
publier que le Roy en estoit sorty pour
n’estre sa Majesté asseurée ; d’autant, disoit il,
que dans le Parlement il y en auoit qui auoient
intelligence auec les ennemis de l’Estat, & qu’ils
se vouloient asseurer de la personne du Roy ;
artifice Italien du Cardinal Mazarin, coniurant
ainsi la ruine de cette premiere Cour du Royaume,
pour l’exposer à la furie du peuple, sous
ceste fausse impression de vouloir se saisir du
Roy, que les Parisiens ayment vniquement, &