[retour à un affichage normal]

Mazarinade n° B_19_20

Image de la page

Anonyme [1652], ADVIS IMPORTANT ET NECESSAIRE aux Corps de Ville, Bourgeois & Citoyens de la Ville de Paris, sur la prochaine élection d’vn Preuost des Marchands ; Par lequel, par de grandes & importantes raisons, il leur est monstré que pour le bien & salut de la Ville, il est necessaire de proceder à l’élection d’vn Preuost des Marchands, suiuant les anciens Droicts & Vsages, & comme il à esté pratiqué dans l’élection de Monsieur de Broussel Conseiller en Parlement, sans plus receuoir Ordre ny Lettre de Cachet de la Cour, ny d’vne autre Puissance, comme contraire aux Ordonnances. , françaisRéférence RIM : M0_522. Cote locale : B_19_20.

de nouueaux, les denrées qui auoient esté iusques
à present exemptes de la maltote y ont esté
sujetes ; on a erigé en tiltre d’Office formé les
menus Offices de la police qui auoient toûjours
esté en la main & à la nomination du Preuost
des Marchands, auec attribution de nouueaux
droicts sur le public ; & on en a créez de nouueaux
ausquels on a accordé les mesmes droicts :
Bien dauantage la ville de Paris a esté plus mal
traittée que celles qui payent la taille ; on a veu
ses Bourgeois liurez à la haine, rage & malice
des Partizans par des taxes d’aisez qu’ils ont fait
payer auec des rigueurs & cruautez insupportables,
comprenans dans leurs roolles, non seulemẽt
ceux qui en estoient capables, mais beaucoup
d’autres, comme leurs ennemis pour s’en
vẽger ou les gens de bien pour les opprimer Ce
n’a pas esté assez de violer les priuileges de cette
ville, d’imposer de nouuelles charges sur les denrées
& marchandises à la foulle du public, d’obliger
les Prouinciaux, ceux qui y estoiẽt presẽts
d’en sortir, & les autres de ny pas venir ; soit pour
éuiter leur emprisonnement, soit pour ne pouuoir
supporter la chereté des viures, & des autres
choses necessaires à la vie ; on a encore entrepris
de rauir aux Bourgeois de cette ville le
meilleur de leur bien, le monopole par la lascheté
des Officiers de la Ville, a impunément retranché