Mazarinade n° A_2_16
Image de la page
Le Solitaire [signé] = Arnauld d'Andilly, Robert [?] [1649], ADVIS D’ESTAT A LA REYNE, Sur le gouuernement de sa Regence. , françaisRéférence RIM : M0_498. Cote locale : A_2_16.
fait auec Monsieur de Modene l’an 1647. non plus que les raisons
qui porterent ce Prince à accepter le Generalat de l’armée de Vostre
Majesté, ny aussi s’il est veritable, que les autres Princes d’Italie approuuerent
son action, pour se deliurer de la crainte qu’ils auoient de
l’enuoy d’vn General François, tel que Monsieur le Prince ou Monsieur
le Comte d’Harcourt, qui eussent agy à leur façon accoustumée.
Ie ne veux remarquer autre chose que la démarche des trouppes,
que l’on fit sortir en campagne, au temps qu’elles deuoient entrer
dans les quartiers d’hyuer. Ce fut au mois d’Octobre qu’elles commencerent
à marcher ; saison de l’année pendant laquelle les pluyes
ont accoustumé d’inonder la Lombardie, dont le terrain, qui est
gras, estant destrempé, deuient vne boüe, dans la quelle les hommes
& les cheuaux demeurent enseuelis. L’effet de cette expedition fut
si peu de chose, que vostre armée n’occupa qu’vn petit quartier du
pays ennemy vers Casal major ; & ce qui y resta de trouppes pour
conseruer ce poste, fut contraint de tirer sa subsistance du Mantoüan,
Plaisantin, & Modenois, aux despens de vos finances, & non du
pays ennemy. Mais que dira-t’on, MADAME, du siege de Cremone,
où l’on a consumé & perdu vne campagne, vne armée, & qui pis est,
la reputation des armes du Roy. Monsieur le Cardinal ne doit pas,
pour se descharger de ce blasme, attribuer la cause à Monsieur de
Modene, ou à Monsieur le Mareschal du Plessis-Praslin, estant indubitable
qu’ils n’ont agy que selon ses ordres precis ; la mode
estant venuë en France depuis l’erection en tiltre d’Office de premier,
ou plustost vnique Ministre, Que les Generaux d’armées, fussent-ils
outre-mer, doiuent attendre ses ordres pour executer ce que les occasions
offrent, voire les plus pressantes, quand mesmes il s’agiroit du salut de tout
l’Estat, & que le retardement en causeroit la perte entiere, nonobstant que le
Ministre soit absent, & qu’il ne puisse iuger, ny bien entendre ce qu’il conuient
faire. Qu’il vous plaise aussi, MADAME, de ietter les yeux sur
vne autre action de ce Ministre estranger ; & si V. M. veut penetrer
dans ses pratiques & menées, elle verra que pour obtenir le chapeau
de Cardinal à son frere, il a employé quatre cent mille liures de vos
Finances. Elle sçaura qu’il fit porter parole au Pape, que moyennant
la promotion de son frere, il ne feroit plus aucune instance à sa
Saincteté pour les Collations & Bulles des benefices de Portugal &
de Catalogne, encores que les sieges Episcopaux de ces deux Prouinces
Image de la page