[retour à un affichage normal]

Mazarinade n° B_8_57

Image de la page

Anonyme [1652], LA FAVSSE LETTRE PORTÉE AV DVC DE LORRAINE PAR VN Mazarin : Et renuoyée à son A. R. par le mesme Duc de Lorraine. , françaisRéférence RIM : M0_1374. Cote locale : B_8_57.

i’ay beaucoup aduancé vostre Traitté de
Paix, & vous deuez vous asseurer que ie ne dessisteray
point mes poursuites que vous ne soyez remis
dans vostre Estat. Mon caractere vous est assés connu,
& vous me dispenserez s’il vous plaist d’adiouster
plus de soing aux protestations que ie vous ay
desia faites & que ie reytere encore comme estant.
Vostre tres-affectionné Frere & Seruiteur Caston.
 
Cette Lettre ayant esté veuë par son Altesse
de Lorraine, fit vne telle impression sur son Esprit,
que ce Prince se resolut d’abord de faire retourner
son Armée sur ses pas, & donna incontinant
les ordres a ses Capitaines, de reprendre le
chemin qu’ils auoient tenu, ne se doutant d’aucune
trahizon, il renuoya le traistre & despecha
en suitte vn Courrier vers son Altesse Royalle,
auec vne Lettre, par laquelle il luy il luy tesmoignoit
le ressentiment qu’il auoit d’auoir fait
trauerser a son Armée vne si longue estenduë de
Pays, pour ne rien faire & qu’il estoit estonné de
de ce traitté de Paix, sans qu’il en ait esté auparauant
aduerty. Qu’il auoit fait retirer ses troupes
à deux iournées du lieu où il auoit receu ses
depesches, tesmoignant n’estre point contant de
cette conduite. Son Altesse Royalle reconneut incontinant
la ruse du Cardinal Mazarin, & depecha
tout à l’heure vn de ses valets de Pied nommé
Gautier, pour donner aduis à son Frere le