[retour à un affichage normal]

Mazarinade n° C_6_18

Image de la page

Anonyme [1649], LA METAMORPHOSE MORALE, OV L’HEVREVX CHANGEMENT DE NOS FORTVNES. Par la Prudence de Nosseigneurs de Parlement. , françaisRéférence RIM : M0_2464. Cote locale : C_6_18.

moins interessée ; puis que ces illustres Senateurs prodiguent
genereusement leurs vies pour le public, n’ont
pour objet que le bon heur d’autruy : C’est en cét illustre
sujet que l’interest ne se rencontre point, ou du moins
qu’il ne dérobe pas la recompense deuë à l’action. Ainsi
ce Corps Auguste du Senat François, ne trouue peint de
plus glorieuse recompense qu’en la vertu mesme.
 
Qui trauaille pour la fortune de ses successeurs, merite
de viure dans leurs memoires : mais qui s’attache au
bien de tout vn Estat, est digne des loüanges, & des
vœux de tout le peuple qui la publie.
Nos dignes Restaurateurs de l’Estat, ont genereusement
tourné le dos à vn tyran que la fortune faisoit suiure
auec empressement, pour se rendre au secours d’vn
peuple que tout le monde abandonne.
Qui vient au secours d’vn oppressé fait vn effort genereux :
mais qui deffend vn party despourueu de toute assistance,
execute vne chose diuine. Quant Homere void
Vlysse abandonné des hommes, il luy suscite vn Dieu pour
son deffenseur.
C’est ainsi que le Parlement a volontairement mesprisé
le repos domestique, pour trauailler au calme public :
Et s’auançant à l’ay de des oppressez, s’efforce aujourd’huy
par vn coup inesperé de les r’emmener triomphans
du bort du precipice, où les poussoient vne main tyrannique.
Le Cardinal Mazarin ennemy de cette Cour Souueraine,
s’est couuert de honte en pensant esbloüyr tant de soleils ;
Et sa langue enuenimee n’a pû à l’ayde de ses libelles