[retour à un affichage normal]

Mazarinade n° B_13_37

Image de la page

Anonyme [1652], LA MORT DV CARDINAL MAZARIN, PREDIT PAR LES TROVPPES DV DVC DE LORRAINE. AVEC LA RETRAITTE DE LA REYNE AV BOVRG DE CHILLY. Ensemble la Lettre du Duc de Lorraine escrite au Comte de Tauannes, sur ses approches d’Estampes. , françaisRéférence RIM : M0_2494. Cote locale : B_13_37.

Aces nouuelles l’espouuante se fit dans le
Campt du Roy : le party Mazarin ploya
bagage : & n’oseront plus nous attaquer : Ils quitterent
prise : mais nous ont aduerty qu’il ne falloit
cesser d’estre sous les armes, de crainte de sentir
l’effet d’vne nouuelle trahison. Nous obseruons
diligemment cét aduertissement, & ne croyons
pas que l’on nous puisse surprendre. Ie veux
bien vous dire, auant que de declarer mon discours :
Que le lendemain de la trahison, qui fut
esuentée : Que la Reyne & Mazarin prirent le
chemin de Chilly, faisant croire au Roy qu’ils le
menoient en sa fameuse ville de Paris : il dit à la
Reyne : Ie suis desireux de voir le peuple qui me cherit :
ie suis fatigué de la guerre : ie n’aime plus que le repos.
Ces paroles furent recueillies : & chacun dit : Ces
mots, ne peuuent sortir que de la bouche d’vn esprit
tout à fait celestes & diuin : Cela aussi fut cause d’vn
grand tintamare en Cour : ce que le Pere Faure,
destourna par ses supercheries ordinaires. Nous
sçauons de bonne part que le Roy a commandé
de nous laisser en repos, & que tout son desir
est de retourner à Paris, pour y establir la paix, le
repos : & la tanquillité de toute l’estenduë de sou
Royaume. Ie vous veut bien dire, comme en passant
que le Duc de Lorraine approche, & n’est
qu’à dix lieuës de distances : les trouppes sont