[retour à un affichage normal]

Mazarinade n° C_6_55

Image de la page

Anonyme [1649], LA PASSION EXTREME QVE TESMOIGNENT LES BOVRGEOIS DE PARIS, POVR LE RETOVR DE SA MAIESTÉ en sa bonne Ville de Paris. , françaisRéférence RIM : M0_2734. Cote locale : C_6_55.

bois ou sa Majesté alloit quelquesfois se diuertir
à la chasse, & où il ne fut perdu que l’espace
seulement d’vn iour & d’vne nuict. Combien
croyez-vous, incomparable Monarque, que
vostre peuple de Paris a conçeu de regrets & de
tristesses pour l’esloignement de sa Personne Sacrée.
Que de soûpirs ont poussé nos cœurs, &
que de ressentimens ont tesmoigné nos ames dés
l’instant malheureux que nous vous auons perdu.
Combien pensez-vous, que de bonnes Ames
tres-Religieuses & tres-sainctes ont pratiqué
d’austeritez, d’abstinences ; de mortifications
secrettes pour la prosperité de Vostre Majesté.
Sçachant que les Ennemis de l’Estat n’auoient
pas dessein de la laisser reuenir à Paris,
parce que leurs personnes n’y sont pas en asseurance,
& qu’elles ne peuuent subsister que sous
l’appuy de vostre Couronne & l’authorité de
vostre Sceptre. N’auons-nous pas fait des Prieres
& generalles & particulieres à Dieu, afin
qu’il changeast leurs volontez, où qu’il vous fist
connoistre leurs mauuaises intentions ; Depuis
ce temps nous auons faict mille vœux, mille
Sacrifices au Ciel, conjurant sa bonté, qu’au
moins elle conseruast sa Majesté de l’artifice des
méchans aussi bien que de la tyrannie des traistres.
Dés le commencement de vostre retraitte