[retour à un affichage normal]

Mazarinade n° C_12_42

Image de la page

Anonyme [1652], LA PIERRE DE TOVCHE, FAISANT VOIR QVE le Cardinal Mazarin & ses adherans, sont les plus grands ennemis du Roy, de son Estat, de son Peuple & de la Ville de Paris. Aux trois Estats de France. , françaisRéférence RIM : M0_2766. Cote locale : C_12_42.

par le moyen de l’argent & des pierreries qu’il
luy a données pour les achepter, ou pour les soustraire
à son Altesse Royale. Mais que ce Conseil
pretendu ait engagé sa Maiesté de donner au
Duc de Lorraine, Marsac, Vic & Moyenuic, qui
sont trois Villes Imperiales, & de luy rendre
son Gouuernement, sans en auoir communiqué
ny deliberé auec son Altesse Royale & les Princes
du Sang, c’est ce que ie ne peux comprendre :
où ie m’imagine du moins que ce pauure Conseil
d’Enhaut, qui enrage de se maintenir sur ce
rang à quelque prix que ce soit, s’est laissé éblouїr
par la presence de sa Maiesté, sans considerer
qu’il luy faisoit entreprendre, ce qui n’est pas à
sa disposition toute seule.
 
C’est dans ce Conseil, que le Siege d’Estampes
fut resolu auec parole de prendre la Ville
dans trois iours, & de tailler en pieces sept mille
hommes de guerre qui y estoient, & le Mareschal
de Turenne à esté deuant plus de cinq
sepmaines sans autre effet, que d’y laisser perir
quatre mille hommes de son armée.
C’est dans ce Conseil, auquel fut tramée à S.
Denys, la trahison contre la Ville de Paris, se
promettant qu’ayant vn grand nombre d’intelligences
parmy les Compagnies Souueraines &
les six Corps des Marchands & Bourgeois, &
l’Hostel de Ville à leur deuotion, apres auoir