[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

& paris se void inuesty de toutes parts de gens
de guerre. Mais parce que les Autheurs de ce
desordre, s’estoient trompez en leur calcul, la
Reyne se resolut de faire la paix & de ramener
le Roy dans paris, comme si elle en eut
esté la plus satisfaite du monde. Pourtant cela
ne dura qu’autant de temps qu’il leur en faloit,
pour faire venir des troupes de tous costez,
pour perdre cette puissante ville. A quoy
bon de vouloir perdre tant de personnes, pour
auoir fait le salut de ces deux Illustres Protecteurs
de la cause commune. Si le zele qu’ils
ont pour le seruice du Roy & pour le bien de
la patrie doit estre reconnu selon l’estenduë de
son merite. Ces dignes Senateurs deuroient
estre honorez comme vn Scipion, ou comme
vn Ciceron, apres qu’il eut deliuré Rome de
de la coniuration de Catilina.
 
La haine que Iule Mazarin conçeut apres cela
contre le parlement & contre le peuple de
paris, à cause de cette procedure, le porta à des
estranges extremitez, en sorte qu’il faillit à perdre
le Roy, la Reyne, & tout l’Estat, & les
voulant perdre & en voulant reduire la ville &
les habitans tous en cendre. Il fait croire à la
Reyne qu’elle estoit obligée d’appuyer l’Authorité
Royale, que le parlement de paris
flestrissoit tous les iours à son dire, & qu’elle