[retour à un affichage normal]

Mazarinade n° E_1_37

Image de la page

Anonyme [1652], LA RELATION DE CE QVI C’EST PASSÉ A LA COVR. EN LA RECEPTION DE Messieurs les Deputez du Parlement de Paris. , français, latinRéférence RIM : M0_3114. Cote locale : E_1_37.

n’auroit pas agreé l’aliance de l’heritier de l’Empire auec
vne Princesse Estrangere. Nous pouuons icy sancrainte
de blesser le respect que nous deuons à nostre
Ieune Monarque nous plaindre de sa froideur enuers
nous. Le desplaisir que nous auons qu’vn Estranger fauory
soit l’objet de ses inclinations à nostre d’esaduantage
est si fort qu’il change nos souspirs en murmure, &
nous souhaiterions que nos sanglots & nos gemissemens
peussent paruenir iusqu’à son Throsne. Peut estre que
l’amour estant nostre aduocat auroit assés de force pour
persuader & que les qu’erelles n’auroient seruy qu’à
rallumer les feux, & rendre nostre vnion plus parfaite
selon cette maxime du Poëte. Amantium iræ amoris
redintegratio est.
 
Mais ce qui nous jette dans le desespoir, est que nostre
Riual a rendu suspect iusque à nostre amour, & ses
ruses ayant preualu sur la sincerité de nos affections,
nous priuent de l’accés que les plus criminels pourroient
esperer. Les Deputez du Parlement ayant ordre de la
Cour d’aller remercier sa Majesté des nouuelles asseurances
portées par sa Lettre de Cachet, mesme pour executer
l’Arrest du 13. Decembre de l’Année passée, par
lequel nostre Riual le Cardinal Mazarin & ses adherans,
estoient declarez Criminels & Perturbateurs du repos
Public, s’estant rendus auec beaucoup d’incomoditez
à la Cour n’ont receu que des outrages des Officiers &
des Soldats dont l’insolence a esté si extréme que de
traitter ces Paranymphes de Paix, Ces grands Prestres