[retour à un affichage normal]

Mazarinade n° B_9_11

Image de la page

Anonyme [1652], LA RELATION DE TOVT CE QVI s’est passé au Conseil de Monsieur le Prince, depuis son depart jusques a present, enuoyé à son Altesse Royalle. , françaisRéférence RIM : M0_3147. Cote locale : B_9_11.

neantmoins on ne pouuoit assez connoistre la verité par les
suites qui furent si apparentes, & les autheurs se découurirent
assez d’eux mesmes par les oppositions qu’ils formerent
au retour de ces Princes.
Le Parlement voulut connoistre de cette affaire, & s’estant
assemblé en corps il fut conclud qu’on deputeroit à
Messieurs les Princes pour sçauoir les causes de leur esloignement,
& pour les prier de retourner à Paris ; auec la
seureté que leur promettoient leurs Majestez, & sur la parole
de Son Altesse Royale.
Monsieur le Prince de Conty vint au Parlement pour instruire
cette Compagnie des motifs que Monsieur son frere
& luy auoient eu d’vne retraite si precipitée ; là il exposa
les desseins qu’on auoit sur leurs personnes, les ordres qui
auoient esté secretement donnez dont ils auoient eu des
auis tres-certains, que cela ne pouuoit venir que de la part
des creatures du Cardinal, dont l’esprit regnoit encor en
Cour aussi puissamment que iamais, par les intrigues continuelles
de ses emissaires, dont il nomma trois de ses principaux,
à sçauoir Seruient, le Tellier & Lyonne, il demanda
qu’ils fussent compris dans la Declaration qui se deuoit
donner contre le Cardinal leur Maistre, & qu’ils sussent
esloignez pour tousiours des Conseils de leurs Majestez.
L’assemblée conclud â faire des remonstrances à la Reyne
sur la mauuaise conduite de ces Ministres, quelque effort
que fit le President de Bocquemar, pour iustifier les façons
de proceder du sieur Seruient son beau-frere ; On preuint
ces poursuites en Cour pat l’esloignement de ces trois personnes
sans aucune forme, la Reyne estant pressée encor
d’autre part de les esloigner, à la solicitation de Madame
de Chevreuse, à qui le pouuoir de ces trois donnoit de
l’ombrage, & qui decouurit la pretension trop releuée du
sieur Seruient, dont l’ambition n’estoit que trop connuë,
Elle pretendoit par là le retour de Monsieur de Chasteau-neuf,
ou du moins vn ferme establissement de Monsieur le
Coadjuteur dans le Conseil, & si la fortune luy en disoit
dans le Ministere. Le retour du premier fut ranté, mais en
vain, y ayant trop peu de temps qu’il auoit esté esloigné ;