[retour à un affichage normal]

Mazarinade n° B_5_24

Image de la page

Anonyme [1649], LA RESSEMBLANCE DE MADAME LA DVCHESSE D’ORLEANS A LA COLOMBE QVI APPORTA LE RAMEAV d’Oliue à Noé. Presenté à son Altesse Royale. , françaisRéférence RIM : M0_3516. Cote locale : B_5_24.

mais s’il ne vous a donné iusques à cette heure que de belles Princesses,
ne vous estes vous pas armée de constance & de patience,
esperant que Dieu y mettroit bon ordre : mais que vous estes heureuse,
Madame, d’auoir vne si grande confiance en Dieu, que de
remertre tout entre ses mains : Que vous estes heureuse, Madame,
d’auoir vn fort détachement des choses de la terre pour vous vnir à
celles du Ciel, esperés aussi, esperés que Dieu benira vos vertueuses
intentions, & que lors que vous y songerez le moins, que ce sera
pour lors qu’il recognoistra vostre zele : I’ose vous pronostiquer en
toute seureté, qu’il vous donnera selon vos souhaits, ceux de Monseigneur
vostre mary, & de toute la France, vn glorieux enfant digne
reietton du sang de Bourbon & de la Maison de Lorraine, vn
enfant qui sera la terreur des ennemis du Roy, l’amour de tous les
François ; l’estonnement de tous les Estrangers, & le Protecteur de
l’Eglise. Vn enfant qui sera le vray miroir d’amour, de sagesse, de
prudence, de pieté, & de courage.
 
Toute la France, Madame prie tous les iours Dieu qu’il veüille
benir vos trauaux, & vostre zele par vne si heureuse naissance ; mais
principalement les Parisiens qui souhaitteroient impatiemment
vostre retour dans leur ville, n’attendent que le moment pour auoir
le bien de vous offrir leurs biens, leurs fortunes & leurs personnes,
pour rendie graces à Vostre Altesse Royalle, de tant de soins, de
peines, & de bous sentimens que vous auez eu pour leur bien, pour
leur repos, & pour vous asseurer qu’ils veulent tous viure & mourir
inuiolablement vostres humbles, tres-obeïssans, & tres-obligez
seruiteurs : Prians Dieu prepetuellement pour la prosperité de Vostre
Altesse Royalle, luy desitans vne longue & heureuse vie, comblée
de toutes sortes de faueurs.