[retour à un affichage normal]

Mazarinade n° C_7_58

Image de la page

Anonyme [1649], LA RVINE DV MAL NOMMÉ, OV LE FOVDROYEMENT DV DONION, FAVSSEMENT APPELLÉ DV Droit naturel Diuin ; auec l’abomination de sa memoire, par l’enorme peché de son deffenseur, qui pour le maintenir injustement, s’est declaré ennemy mortel de Dieu, des Roys, & des peuples. , françaisRéférence RIM : M0_3567. Cote locale : C_7_58.

à luy seul à qui il apartiẽt le droit de les deposseder,
c’est vne grace que les sujets doiuent attendre de
sa Prouidence infinie. Ieremie nous asseure que le
chastiment du Seigneur, declare les pechez des
hommes. Si cela est, comme il n’en faut pas douter,
qui peut dire que les desordres qui nous sont
arriuez, & que les mal heurs qui nous menacent
encore, ne nous soient pas enuoyez de Dieu, qui
change bien souuent le cœur des Souuerains, pour
nous punir des impietez du peuple. Les 21. 22. 23.
& 24. Vers. du 12. Chapitre qui est au 3. Liure des
Rois, font bien voir clairement, que c’estoit vn
decret absolu de celuy qui peut toutes choses, veu
que Roboam auoit cent quatre-vingt dix mille
hommes, pour remettre ceux qui l’auoit chassé, &
qui auoient assommé son Sur-Intendant, & dans la
raison & dans l’obeïssance, s’il n’eust reçeu vn ordre
exprez du Souuerain Seigneur de l’Vniuers, de
ne le pas faire. De sorte que quand il plaira à sa Diuine
Majesté, que ce que vous desirez auec tant de
passion arriue, elle sçaura bien trouuer les moyens
d’en venir à bout, sans que vous, ny plusieurs autres
criminels de vostre espece, se mettent en peine
d’anticiper sur les droits d’vne authorité independente,
comme la sienne. La reuolte de Ieroboam
contre Salomon, fut faite encore par l’ordre
de ce puissant maistre des Roys & des Empires,
non pas pour chose legere, comme vous dites : mais
pour auoir abandonné Dieu, pour s’estre rendu
idolatre à la suscitation des femmes, si c’est peu