[retour à un affichage normal]

Mazarinade n° A_4_17

Image de la page

Balzac, Jean-Louis Guez de [?] [1649], LA HARANGVE CELEBRE FAITE A LA REYNE SVR SA REGENCE. , françaisRéférence RIM : M0_1544. Cote locale : A_4_17.

à toute la France, qu’il ne s’estoit éloigné de la Cour
à diuerses fois que pour se conseruer à l’Estat, &
qu’il faisoit mesme le seruice du feu Roy, lors qu’il
sembloit ne pas faire sa volonté.
 
Cette paix, Madame, n’estonnera point le monde
par des prodiges & par des spectacles de terreur,
plutost que de Majesté ; elle ne formera point de
Meteores qui obscurcissent les Astres & qui cachent
le Soleil ; elle n’agrandira point de domestiques qui
chassent les enfans de la maison, ny de fauoris qui
choquent les Princes ; elle ne produira point de
corps d’estrangers monstrueux & tumultuaires pour
les opposer aux legitimes & naturelles Iurisdictions,
aux Corps immortels des Compagnies Souueraines.
Cette paix laissera la liberté aux Oracles, & rendra
au Parlement son authorité, qui est la vostre, Madame,
& qui ne court point de fortune entre ses mains,
mais c’est vne chose desia faite, & que la France ne
devra point à la paix. Ce Parlement, qui plus d’vne
fois a sauué l’Estat, qui de la memoire de nos peres
a esté le fidele gardien de la Loy Salique, qui nouuellement
a témoigné tant de zele & de deuotion à
vostre seruice, & a receu aussi de vostre Majesté l’honneur
qui luy auoit esté rauy, & le pouuoir de sauuer
encor l’Estat vn iour de tempeste.
Cette paix fera regner la Iustice aussi absolument
que le Prince, & ce regne absolu sera également éloigné
de la violence & de la foiblesse. Cette paix chassera
l’abus de l’authorité, comme vn tres-grand mal,