[retour à un affichage normal]

Mazarinade n° E_1_94

Image de la page

Du Tillet [signé] [1649], ARREST DE LA COVR DE PARLEMENT DONNÉ TOVTES LES Chambres assemblées le 6. iour de Ianuier 1649. POVR LA SEVRETÉ ET POLICE de la Ville de Paris. , françaisRéférence RIM : M0_216. Cote locale : E_1_94.

Ville, laisser passer librement les Viures &
denrées qui seront destinées pour apporter en icelle.
Leur fait tres-expresses inhibitions & defenses
de receuoir aucunes garnisons ny logement de
gens de guerre ; leur enjoint aussi faire en sorte que
les viures & denrées soient apportées en cettedite
Ville sans aucun empeschement, à cette fin escorter
& assister ceux qui les apporteront, à peine d’en
respondre en leurs noms. Et sera le present Arrest
leu & publié à son de Trompe & Cry public, &
affiché és Carrefours de cettedite Ville & Fauxbourgs,
& enuoyé és Villes circonuoisines, pour
y estre aussi leu, publié & affiché, à ce qu’aucun n’en
pretende cause d’ignorance. Fait en Parlement le
sixiesme Ianuier mil six cens quarante neuf.
 

Signé, DV TILLET.
LE Ieudy septiesme iour de Ianuier mil six cens quaranteneuf,
l’Arrest cy-dessus de Nosseigneurs de la Cour de
Parlement, a esté leu & publié à son de Trompe & Cry public,
tant és Portes & Entrées de cette Ville & Fauxbourgs
de Paris, qu’aux Carrefours & Places publiques de cettedite
Ville & Fauxbourgs, par moy Iean Iossier, Iuré Crieur
ordinaire du Roy en la Ville, Preuosté & Vicomté de Paris, en
la presence de Maistres Iean Finot & Pierre Laurens, Huissiers
en ladite Cour, accompagné de trois Trompettes, Iean du
Bos, Iacques le Franc, Iurez Trompettes du Roy, & d’vn autre
Trompette commis de Didier Ordin, dit Champagne, aussi
Iuré Trompette, & affiché où besoin a esté.

Signé, IOSSIER.