[retour à un affichage normal]

Mazarinade n° C_5_59

Image de la page

I. A. D. [1649], IMPORTANTES VERITEZ POVR LES PARLEMENS. PROTECTEVRS DE L’ESTAT. CONSERVATEVRS DES LOIX. ET PERES DV PEVPLE. Tirées des anciennes Ordonnances, & des loix fondamentales du Royaume. DEDIEE AV ROY. Par I. A. D. , français, latinRéférence RIM : M0_1686. Cote locale : C_5_59.

La Lettre qui fut escrite au Roy de la part du Parlement,
qui est aux Registres & en la main de plusieurs,
porte, que soit qu’on attribuë cela au temperament
de l’air & du lieu, ou plustost à l’ancienne discipline ;
il se contracte dedans cette Compagnie celebre, ce
corps le plus florissant de la Iustice du Royaume, vne
certaine habitude à cette indifference vertueuse, qui
est le temperament le plus propre pour rendre la
Iustice ; tellement qu’en ce qui est de leur fonction,
(car ce n’est pas qu’on manque d’humanité pour cela)
mais dedans l’exercice de leurs charges ils ne sont iamais
portez d’aucun respect particulier.
 
Cette Cour estant la capitale de la Iustice de la
France, esleuée au dessus des autres, est comme cette
Region superieure du monde, la plus voisine du
Ciel & des Estoiles, qui n’est iamais troublée ny offusquée
de nuages, aussi les vapeurs & les fumées de
tant de passions & affections diuerses, ne montent
point iusques à eux.
Il y auoit vn Temple de Iupiter en la Grece, dont
parle Polybe au 16. de son Histoire, qui estoit disposé
de telle sorte, que ceux qui y entroient ne rendoient
iamais d’ombre, [illisible], &
ceux qui entrent dedans ce Temple sacré de la Iustice,
deuiennent si clairs & si brillants, qu’ils ne rendent
point d’ombres, & ne peuuent souffrir les iugemens
qui se ressentent des tenebres & de l’obscurité.
C’est en ce lieu proprement que la Iustice reluit, de
ce bel or dont vn ancien Poëte dans Athenée luy a
composé le visage, sans estre neantmoins suspecte