[retour à un affichage normal]

Mazarinade n° C_5_59

Image de la page

I. A. D. [1649], IMPORTANTES VERITEZ POVR LES PARLEMENS. PROTECTEVRS DE L’ESTAT. CONSERVATEVRS DES LOIX. ET PERES DV PEVPLE. Tirées des anciennes Ordonnances, & des loix fondamentales du Royaume. DEDIEE AV ROY. Par I. A. D. , français, latinRéférence RIM : M0_1686. Cote locale : C_5_59.

nom & bonne odeur, [illisible], il ne faut
que trois paroles, mesme disoit vn ancien Philosophe
dans Libanius en sa Declamation premiere ; en
toutes causes on doit estre succint & sommaire ; ce
qu’il entendoit autrement & vouloit dire, qu’en celles
qui estoient mauuaises & iniustes, l’on ne deuoit
pas seulement ouurir la bouche pour parler, [illisible]
aux bonnes, il ne faut point
tant de langage, qui ne sert le plus souuent qu’à esgarer
les choses ; neantmoins ie donneray au sujet
toute l’estenduë qu’il me sera possible, ayant à combatre
contre ceux qui osent bien dans les Chaires
enseigner les Princes à violer leur foy, au lieu de leur
apprendre à obseruer fidellement leurs promesses,
faire voir qu’ils ont vn notable interest d’estre tenus
pour Princes de parole, sans rechercher de faux pretextes
pour y manquer, & que c’est le propre des Tyrans
& vsurpateurs, qui n’ont ny pieté ny iustice, de
n’en tenir compte ; mais non des Princes legitimes,
qui doiuent craindre vn Dieu vangeur de l’infidelité.
Aussi ce n’est point en France où les Princes sont au
dessus des Loix, où leurs volontez Souueraines, &
leurs commandemens absolus font les regles de leurs
actions ; eux qui ont en horreur tous les noms d’espouuente,
qui seruoient d’inscriptions aux anciens
marbres des premiers Empereurs, de foudroyans &
assiegeurs de Ville, ont tousiours preferé le tiltre de
Iustes à tant de qualitez tyranniques, imitans celuy
de la main duquel ils tiennent leur Empire, qui dit
dans l’Escriture, Assemblez tous les peuples de la