[retour à un affichage normal]

Mazarinade n° A_8_66

Image de la page

Mirand,? de [1649], LA ROBBE SANGLANTE DE IVLES MAZARIN. Ou les veritables recits des fourbes, des impostures & autres vices. Par le sieur de MIRAND, Gentilhomme Cicilien. , françaisRéférence RIM : M0_3554. Cote locale : A_8_66.

nommée Mazara, de laquelle n’estant que simple
bourgeois, il est à presumer attendu le rapport de son nom,
que c’est plustost vn nom de guerre que de la famille,
quoy qu’apres tout de quelque naissance qu’il puisse estre,
il ne sçauroit estre issu que de ces bourreaux qui ouurirent
les flancs des femmes, qu’on soupçonnoit estre grosses de
la semence des François : mais apres tout, se peut-il ouïr
vne parole plus hautaine & plus ambitieuse que celle du
Cardinal de saincte Cecile, qui n’estoit que l’organe du
Cardinal Mazarin, mi lo voiglio, apres quoy i’estime que
tout ce qu’on en pourroit dire, ce ne seroit qu’vn discour
superflu.
 
Son enuie n’est pas moindre que son auarice & son ambition,
que si vous en desirez voir des exemples, il ne faut
que sçauoir la capture du Comte Philippe ; car s’imaginant
qu’il luy seruoit d’obstacle à la fortune qu’il pretendoit
de faire à la Cour de Sauoye, & regardant d’vn œil
louche les prosperitez de ce sage Courtisan, il se resolut de
le perdre par vn auertissement qu’enuoya feu Monsieur
le Cardinal de Richelieu, que ce Gentilhomme seul troubloit
tout l’Estat de Sauoye, qu’il auoit intelligence auec
le Prince Thomas, & que tant qu’il seroit dans la Cour,
les affaires de sa Maiesté ne pourroient iamais auoir vn
heureux succez, ny vne issuë fauorable dans l’Italie, le
tout sans auertir Monsieur le Comte d’Arcour, qui faisoit
triompher alors les armes du Roy dans l’Italie, qui
sans doute luy eut doucement dissuadé son dessein, & luy
en eut representé des consequences dangereuses, qui ne
Iuge par cette action qu’il couuroit vne intention lasche,
& vn dessein criminel du pretexte du bien de l’Estat, le
Comte Philippe ayant esté depuis remis dans les mesmes
honneurs & dans la mesme authorité, voulez vous voir