[retour à un affichage normal]

Mazarinade n° A_8_66

Image de la page

Mirand,? de [1649], LA ROBBE SANGLANTE DE IVLES MAZARIN. Ou les veritables recits des fourbes, des impostures & autres vices. Par le sieur de MIRAND, Gentilhomme Cicilien. , françaisRéférence RIM : M0_3554. Cote locale : A_8_66.

entre les mains d’vn Prince Lorrain, il falloit proposer
à ce peuple Monsieur d’Anjou qu’ils ont tousiours souhaitté
auec vne extreme passion, ce nom estant fatal
aux Neapolitains.
 
Tous ces vices ne luy obscurcissent pas seulement la
lumiere de l’entendement, mais le priuent entierement
de toute sorte de connoissance, n’ayant iamais veu vn
esprit plus plat en toutes sortes d’affaires : car en effet,
en quelle Polytique ou en quelle Morale peut-il auoir
appris, que pour regner il soit necessaire de destruire
tous les hommes sur qui il pretend de regner, sinon
qu’il fut troublé de la maladie de ce melancholique Athenien,
qui se disoit ennemy de toutes les personnes,
ou qu’il pretendit de regner tout seul comme Neron,
& certes il n’est personne dans ce Royaume qui ne se
ressente de ses attaques, i’oseray dire mesme ses creatures,
consideré que le bien qu’il a fait à quelques-vns,
il l’a fait de si mauuaise grace, qu’ils se ressouuiennent
plustost de l’iniure que du bien-fait, pour le reste,
qu’est-ce qu’il n’a pas fait au menu peuple, que nous
appellons enfans de la sueur & du trauail, n’est-il pas
vray que ceux qui ont suruescu à ses cruelles rapines,
portent enuie à ceux qui sont morts dans les prisons de
necessité & de mal-aise, pour ressentir de plus en plus
de nouuelles persecutions, que n’a-t’il pas fait aux gens
de guerre, il ne les a pas seulementtraittez d’ennemis &
de barbares mais de criminels, les ayant cassez alors
qu’ils esperoient quelque rafraichissement apres tant
de fatigues. Pour la Noblesse, n’est il pas vray que s’il
ne les a tous declarez roturiers par Edict du Roy, il les
a traittez pis que de cela d’effet & de parole. Pour le