[retour à un affichage normal]

Mazarinade n° B_15_41

Image de la page

P. D. B. D. P. [signé] [1652], HARANGVE EN PROVERBES, FAITE A LA REINE, Par vn notable Bourgeois de la Ville Royale de Pontoise, deux iours auant le depart de Mazarin. Pour obliger cette Princesse à consentir à son esloignement, par les raisons cy-apres deduites. , françaisRéférence RIM : M0_1562. Cote locale : B_15_41.

Parisiens de vous venir faire l’obenigna, comme
par le passé, sans plus faire les cheuaux eschapez,
ou de trouuer quelque inuention, pour faire
que les Espagnols eussent chez eux quelque fusée
à desmesler, qui les empeschast de fondre sur
les bras de nos troupes. Ayant iuré par ses grands
dieux, qu’il feroit tous les trois auec le temps, où
qu’il en mouroit en la peine, il receut en attendant,
suiuant le droit du jeu, le commandement
de baiser sa plus proche voisine, à quoy il ne
s’espargna non plus qu’à mettre au moulin, sçachant
qu’il falloit prendre le plus seur, & fouler
sur le bon marché. Il mit apres la main à l’œuure,
pour executer vne des trois choses qu’il
auoit promises à Vostre Majesté ; Mais il aprit
qu’on ne vient pas à bout de tout, comme de
dire son Breuiaire, & que pour luy riuer son
cloud de la bonne sorte, & luy serrer la bride de
pres, nos Princes à qui les Parisiens s’estoient
joints, auoient tous mis la teste dans vn bonet, &
que qui toquoit l’vn toquoit l’autre, Ayant oüy
cette nouuelle qui mit de l’eau dãs son vin, & qui
le refroidit beaucoup de deuotion, il iugea bien
qu’il ne s’en yroit pas sans beste vendre, & qu’il
trouueroit à qui parler : Mais parce qu’il estoit
trop engagé pour s’en pouuoir dedire, il iugea
qu’il falloit mettre le tout auec le tout, hazarder
le paquet, & faire de necessité vertu, & qu’en