[retour à un affichage normal]

Mazarinade n° E_1_129

Image de la page

Vandôme, François de [signé] [1649], DERNIERE REQVESTE PRESENTEE A NOSSEIGNEVRS DE PARLEMENT PAR MONSEIGNEVR LE DVC DE BEAVFORT, AVANT LE IVGEMENT DE la calomnieuse accusation intentée par le Cardinal IVLLES MAZARIN. , françaisRéférence RIM : M0_1025. Cote locale : E_1_129.

son emprisonnement, Et il a sceu qu’y ayant eu
de pretendües informatiõs faites par des Cõmissaires
du Conseil deputez à la suscitation du Cardinal Mazarin,
il auoit fait expedier vne commission au Parlement,
pour à la Requeste de Monsieur le Procureur
General du Roy, faire & parfaire le procez audit Suppliant
sous le nom du Sieur de Beaufort, (le Cardinal
Mazarin ayant fait designer le Suppliant en cette maniere
par affectation de ne le pas nommer & qualifier
ainsi qu’il doit estre selon sa Naissance & ses Tiltres,)
& ce sur le faict de conspiration & d’attentat à la personne
dudit Cardinal Mazarin. Ce qui est vn crime
de son inuention, en la quelle paroist insolente la vanité
de l’Autheur, d’auoir presumé qu’vn homme de
sa condition fust digne d’estre exterminé par vn Prince ;
mais crime supposé, duquel la calomnie se trouue
éuidente, tant par les discours des Témoins, desquels
le Cardinal Mazarin a extorqué par bien-faits
& par souffrances des fausses dépositions, que par les
declarations de ceux qu’il a voulu faire perir en la misere
des Cachots pour auoir esté constans en la verité.
 
Depuis que ledit Suppliant est sorty de Vincennes,
les poursuittes qu’il auroit desiré de faire pour terminer
ce procez, luy ont esté impossibles, à cause que
pour satisfaire aux formes de la Iustice, sa presence
personnelle estoit necessaire, & non seulement les approches
de Paris luy estoient interdites : mais de plus,