[retour à un affichage normal]

Mazarinade n° B_14_38

Image de la page

Voysin [signé] [1649], ADVERTISSEMENT TRES-IMPORTANT ET TRES VTILE AV PVBLIC, Touchant le retour du sieur d’Emery auec L’ARREST DE LA COVR CONTRE IEAN PARTICELLY, BANQVEROVTIER & faulsaire & autres complices du 9. Auril 1620. , françaisRéférence RIM : M0_462. Cote locale : B_14_38.

estant des plus considerables on ne peut reuoquer en
doute qu’vn principal Ministre qui preferroit le bien
de l’Estat & le seruice de son Maistre à ses interest particuliers,
ne doiue mettre tous ses soins pour ce subiet
affin de faire approuuer son administration & procurer
au public vn si notable aduantage.
 
Si quelqu’vn estoit obligé de suiure ces maximes, cestoit
principallement le Cardinal Mazarin s’il vouloit
leuer les soupçons que sa qualité d’estranger pouuoit
iustement imprimer & laisser dans les esprits du diuertissement
& transport des deniers publics. Et neantmoins
des le commencement de la Regence & de sa
faueur par vne conduite toute contraire, ayant trouué
la place de Surintendant des Finances remplie, il auroit
fait Controlleur General le sieur Particelle d’Emery
sans faire reflexion sur ses mauuaises qualitez, & que le
Controlle de l’argenterie qui auoit esté son premier
employ luy eut cousté la vie pour vn vol signalé qu’il
fist lors du mariage de Madame de Sauoye, s’il n’eut arresté
le cours des procedures de Monsieur Ribier &
Matillas Commissaires deputez pour luy faire son procez
par vn present de vingt mil escus à M. de Luynes.
Mais le Cardinal en vouloit faire le complice de ses
larrecins, ce qu’il ne iugeoit pas pouuoir faire sans luy
donner toute l’authorité. Ils s’accordent bien-tost ensemble
sur ce suiet, le Controlle des Finances fut erigé
en titre d’Office qui n’auoit iamais esté qu’vne Commission,
d’Emery en presta le serment entre les mains
de la Reyne, & pour tesmoignage de la soumission &
dependance qu’il vouloit auoir à son Eminence Mazarine,
ou plutost pour luy faire voir quelle seroit la diuision
entre eux des deniers publics, ils partagerent les
emoluments de la charge en despoüillant plusieurs Officiers
du Controle sans aucun remboursement.