[retour à un affichage normal]

Mazarinade n° B_20_19

Image de la page

Anonyme [1652], LE DIOGENE FRANÇOIS, OV L’HOMME D’ESTAT A LA FRANCE SOVSPIRANTE. , françaisRéférence RIM : M0_1097. Cote locale : B_20_19.

admirable. Et l’homme mesme sert d’admiration a
l’homme quand il est vertueux. Il n’est celuy si lasche
qui ne sente escauffer son Ame au recit des gestes valeureux
de nos vieux Gaulois. Nous en sommes iussus,
François, si nous ne les pouuons imiter en conquestes,
imitons les à deffendre ce qu’ils nous ont laissé. Ne
consentons par fetardise à la dissipation de cest Estat.
La gloire que nous en laisserons à nos enfans sera plus
riche que l’amas des pistolles. Ceux qui sont descendus
de ce braue Comte de Dunois ont plus d’allegresse
en escoutant raconter les proësses que ce Genereux
Prince a fait chassant les ennemis de ce Royaume,
qu’ils n’ont de plaisir auiourd’huy à posseder sa succession.
 
Scachez, François, que quiconque est vertueux
laisse ordinairement biens & honneurs à ses enfans :
Car qui a de la vertu, a du credit, qui du credit de l’authorité,
& qui sçait paruenir à ce degré ne manque de
posseder ce qui est necessaire à la grandeur d’vn homme
de courage. Il est vray que ce chemin est plus long
pour s’enrichir que l’autre, mais en recompense il est
plus glorieux & durable.
Si nous tenions ceste voye l’ennemy nous redouteroit,
le bien public prospereroit nostre renommee fleuriroit.
Les petits n’auroient la hardiesse d’enjamber sur
les Grands pour les dépoüiller. Hé, qui les rend ainsi
temeraires ? C’est qu’ils croyent que les François ne
sont plus hommes. Ce mesme defaut fait que les femmes
gourmandent leurs maris : Et voyla comme la France