[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

liberté de nous remettre en franchise. Quoy
nous verrõs-nous tousiours dans vne continuelle
oppression, sans estre touchez de nos propres
miseres ? serons-nous si lasches que de souffrir
vn éternel esclauage ? ferons nous en faueur de
Mazarin, ce que les Romains firent autrefois en
faueur de Marc Antoine ? les Arrests d’vn si auguste
Parlement que le nostre, doiuent ils estre
moins inuiolables que ceux d’vn Senat si chenu
que celuy de Rome ? Nostre legereté sçauroit-elle
estre moins blasmable que celle de ces fils
aimez de la guerre ? Quelle apparence y auroit-il
donc d’annuller des decrets qui ont esté donnez
contre luy auec tant de iustice ? Quelle honte
& quelle ignominie ne nous seroit-ce pas, de
receuoir les loix de celuy que nous auons declaré
ennemy du repos public, & de celuy de qui
nous auons mis la teste à prix, pour le perdre ?
A pres cela peut on estre indulgent à ses crimes,
sans nous mettre la corde au col, ou du moins
sans nous exposer à la rage d’vn ennemy irreconciliable ?
Il faut donc de necessité se porter
vnanimement à l’execution d’vn Arrest si solemnellement
& si équitablement donné, ou faire
vne ferme resolution de s’humilier a sa prodigieuse
tyrannie, ce qui ne se sçauroit faire sans
consenti à nostre perte.
 
Employons donc courageusement nostre