Mazarinade n° B_11_17
Image de la page
Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.
miserable patrie ? Cette vertu à qui toutes les [1 mot ill.]
[3 mots ills.] de marche-pied, & qui esleue
l’homme au dessus de l’homme, ne trouuera-t’elle
pas vn cœur François pour son logement,
ny vne passion qui la veulle receuoir auec la
mesme ardeur qu’elle doit estre receuë ? Vn
Payen, vn Cheualier Romain, vn Marcus, tel
que nous venons de le dire, fera-t’il honte à la
plus genereuse nation de la terre, en se sacrifiant
pour le salut de ses Citoyens, sans estre asseuré
de l’éuenement de ce pour quoy il le faisoit, ny
de l’éternelle récompense qu’il en deuroit esperer,
que par l’Oracle d’vne Diuinité que la seule
fantaisie de ses idolatres auoit mise au nombre
des estres ?
Plu ar. Tit.
Pline l. 3.
ch. 6.
Plin l. 7. 6.
28. Plut. en
la vic de
Cam.
Plut. Tite.
Plut Plin l.
7. c. 28.
Les François n’ont-ils plus ny bec ny ongles,
ny bouche, ny éperons, ny cœur ny courage,
ny fidelité pour Dieu, ny amour pour leur patrie,
de souffrir ce qu’ils souffrent au desauantage
du Roy, à la perte de l’Estat, & à la ruine de tous
les peuples de France ? Verront-ils incessamment
succeder à des Caligules, à des Nerons,
à des Vitelles, à des Domitians, & à des Heliogabales
ramassez & sans aueu, iusques à la plus
pure substance de tant de miserables souffrans,
sans estre Chrestiennement touchez de la prodigieuse
misere de leurs freres ? Tant de bonnes
ames, tant de pauures innocens, tant de venerables
Image de la page