[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

à la mort, quoy qu’il fust sans peché, comme
estant impecable : Non haberet potestatem aduersum
me vllam, nisi tibi datum esset de super, dit cét
adorable Sauueur répondant à Pilate, lors qu’il
luy disoit qu’il auoit pouuoir de le iuger à la
mort, ou de luy donner la vie. Enfin Iesus Christ
bien loin de se vouloir soustraire de la iurisdiction
d’vn luge seculier & payen, il declare hautement
qu’il a vn pouuoir absolu du Ciel de le
iuger comme les autres hommes. Et pourquoy ?
parce qu’il est ne Iuif, & parce qu’il est subjet de
l’Empereur, ainsi que tous ceux qui viuent sous
la domination de son Empire.
 
De grace, Messieurs les Prelats, & Messieurs
les Pontifes, estes vous de meilleure maison que
le Fils de Dieu, ou estes-vous plus sacrez que luy,
& plus auant dans les dignitez Ecclesiastiques.
Puis qu’il est le Roy, le Monarque, le Seigneur
absolu, le Fondateur, la Pierre angulaire, & le
Chef essentiel de toute l’Eglise Catholique, Apostolique
& Romaine. Estes-vous plus que les
Apostres, & que les Pontifes. Saint Paul n’a-t’il
pas reconnu Felix & Portius Festus pour ses Iuges.
Apres que le President eut fait signe à cét
illustre Docteur des Gentils, de répondre aux
accusations qu’on luy faisoit : ne dit-il pas qu’il
repondroit de meilleur courage, sçachant bien
qu’il y auoit plusieurs années qu’il estoit Iuge
de la nation Iuifue. Et au chapitre suiuant ne dit