[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

que pour s’exempter de toute la iurisdiction des
Princes : de l’abaissement desquels ils bastissent
& entretiennent toute leur grandeur, laquelle
n’a nul fondement, ny dans les Canons ny dans
les Conciles, ny dans l’Escriture Sainte. A quel
propos est-ce donc qu’vn Cardinal aura le maniment
des affaires d’vn Estat, ou la Charge du
Royaume de France, veu qu’il s’est assuietty par
vn serment qui luy doit estre inuiolable, s’il a
tant soit peu vn grain de foy, à vn Pontife, qui le
plus souuent sera mille fois plus Espagnol que
François : plus ennemy mortel de cét Estat que
de l’enfer : & par consequent tres zelé pour le
seruice de ceux dont les interests sont tres-mal
accordans auec ceux de cét Empire.
 
Outre cela, comment est-ce qu’on pourroit
contraindre vn homme, qui tient n’estre responsable
de pas vne de ses actions deuant aucun Iuge
seculier, à rendre compte du gouuernement des
Finances, quand il les auroit toutes volées, lors
qu’il seroit question de le luy faire rendre ; puis
qu’il pretend que son priuilege de Clericature
seul est capable de le mettre à couuert de toutes
les violences qu’on luy sçauroit faire ? Le Roy
Iean fils aisné de Philippes de Valois, pourueu
d’vn tres bon Conseil fit oster les sceaux & le
maniment de toutes ses affaires à Desdormans
son Chancelier, sitost qu’il eut le Chapeau de
Cardinal sur la teste Les Venitiens ne voudroient