[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

Et certes il n’y a qui que ce soit au monde
qui puisse tirer vn sens liberal d’vne diction qui
ne peut estre ou qu’allegorique ou que mistique.
 
Que cette authorité de Saint Bernard n’arreste
encore personne quand il dit, remets ton
glaiue dans sa gaine : car ces paroles bien entendues
font plus contre l’Eglise que pour l’Eglise,
car si Dieu ne vouloit pas que le Prince des Apostres
mit l’espée à la main pour deffendre la vie
de son propre fils : à plus forte raison voudra
t’il encore qu’vn ministre qui est en son abomination
l’y mette, pour exterminer la plus grande
partie des enfans de son Eglise.
Il est vray que lors que les Ecclesiastiques se
faisoient considerer par la sainteté de leur vie,
les Princes Chrestiens estoient bien aise de se seruir
de leur conseil pour oster tous les soubçons,
toute la facheuse impression, tout le mauuais
iugement qu’on eût peu faire de leurs maximes,
mais depuis qu’ils se sont tout à fait deprauez :
& qu’ils ont esté soubçonnez d’aspirer à la Monarchie
temporelle, de laquelle Eugubinus,
Bozzius, Carrerius, Bellarmin, & Baronius,
ont amplement escrit ; ces Princes ont bien
fait de les chasser de leurs Ministeres, tant en
paix qu’en guerre.
Voicy deux merueilleux exemples contre ceux
qui employent les biens Ecclesiastiques à vn autre
vsage qu’à celuy à qui ils doiuent estre employez,