[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

pris de la mesme parole de Dieu, laquelle
on est obligé de donner vne foy inuiolable.
Nadab & Abiu enfans d’Aaron premier Sacrificateur
& Souuerain Pontife, prirent chacun
vn encensoir pour aller encenser deuant le Seigneur :
mais pour y auoir mis du feu qu’il ne faloit
pas, & auoir mesprisé celuy qu’il y falloit
mettre, le mesme feu qu’ils y auoient mis les
consomma à l’heure mesme sur la place. Ananias
& sa femme Saphia, pour auoir voulu frustrer
les autres Chrestiens d’vne partie de l’argent
qu’ils auoient receu d’vne terre, quoy que
ce fut leur propre bien, furent en mesme instant
punis d’vne mort subite. Craignez donc
Ministres infidelles, la colere du Seigneur, afin
que la maladiction dont parle le Prophete Esaye
ne s’accomplisse sur vos pauures ames. Vous
estes bien aise qu’on vous die que vous estes les
bergers du troupeau de Iesus-Christ, qui a esté
rachepté au prix de son sang, & qu’il vous est
permis de vous ayder de son laict & de sa laine :
mais vous ne voulez pas entendre qu’on vous die
qu’en cette qualité de bergers, il vous faudra
rendre compte de toutes les ames qui periront
par vostre faute. Vous bouchez les oreilles à
cette formidable sentence que le berger de tous
les autres bergers a prononcé, Sanguinem eius de
manu tua requiram, dit-il, & si pour celà vous ne
changerez pas de façon de faire. Vous aymez
mieux les biens perissables & mal acquis, que