[retour à un affichage normal]

Mazarinade n° B_16_55

Image de la page

Anonyme [1652], LE FRANÇOIS DES-ABVSÉ, MONSTRANT LES MOYENS infaillibles pour establir & affermir la veritable paix dans l’Estat. , françaisRéférence RIM : M0_1410. Cote locale : B_16_55.

LE
FRANÇOIS DES-ABVSÉ,
Monstrant les moyens infaillibles pour establir & affermir
la veritable paix dans l’Estat.
DE tous les maux qui peuuent troubler &
affoiblir la France, il n’y en a point de sa
dangereux que le déreglement des mœurs,
& la diuersité des Religions : car ses vices &
les débauches y ruinent les meilleures maisõs
tant parla braueries & magnificences, qui épuisent les
meilleures bourses, que par delices & voluptez, qui corrompent
les plus excellentes natures, si bien que châcun
ayant besoin de trop de bien pour fournir aux superfluitez
de sa dépense, on n’y void plus que rapines & exactions,
faueurs & iniustices, & les ieunes gens s��y gastent
& effeminent à tel poinct, que souuent ils sont perdus de
corps & de mœurs auant qu’ils ayent atteint l’âge de
vingt ans ; d’où vient qu’on ne void plus en eux cette
vigueur & dexterité qui les rendoit capables de
tous exercices & trauaux, ny cette fermeté de cœur, qui
pouuoit les faire reüssir aux plus difficiles entreprises ; Et
quant au menu peuple, ce mesme desordre le rend paresseux
& faineant, & par consequent pauure, bas de
cœur, & sujet à se porter à des actions honteuses & criminelles.
La diuersité en la Religion n’y apporte pas moins d’inconueniens,
y ayant excité vne secrette haine, qui rompt
toutes communications, priue les voisins & les proches
du secours, & des bons offices qu’il s’entredoiuent, les
met en soupçon & défiance les vns des autres, & qui pis