[retour à un affichage normal]

Mazarinade n° D_1_49

Image de la page

Anonyme [1651], LE MANIFESTE DE LA REINE REGENTE ET DE MONSEIGNEVR LE DVC D’ORLEANS Touchant la disgrace du Cardinal Mazarin. , françaisRéférence RIM : M0_2358. Cote locale : D_1_49.

le ioug apparent ou réel de toute autre authorité.
C’est pour lors que Mazarin ne perdant
point temps, ou n’attendant peut estre pas, comme
il est tres-probable que le Roy fraye le chemin
à son dessein par ces premieres dispositions,
s’éforcera, ou bien immediatement par sa bouche,
ou mediatement par l’entremise de ceux qui
l’aprocheront par ses ordres, de luy faire gouster
insensiblement, le plaisir qu’il y a de viure en absolu ;
de luy donner à entendre que l’independance
est la plus veritable marque de la Royauté ; de
luy faire conceuoir qu’il est important pour se faire
craindre, que les peuples ayent cette idée de
luy, qu’il sçait vouloir souuerainement tout ce
qu’il veut ; de luy montrer que le sang des parens
ou des alliez, ne soumet les Monarques qu’à considerer
ceux qui le touchent de prés, comme les
plus illustres Sujets de sa Couronne, de luy effacer
de l’esprit toutes les idées de soumission, que
les tendresses d’enfant luy pourroient auoir donné
pendant qu’il estoit pupille, pour ne luy laisser
que celles d’vn independant, de luy remplir
la pensée de mille ambitieux desseins, qui luy flateront
l’imagination, & luy rempliront tellement
son cœur, que les tendresses ne trouueront plus
le loisir de nourrir les sentiments de leurs premieres
inclinations.
 
Ces sentiments, quoy qu’on en dise, ne sont