[retour à un affichage normal]

Mazarinade n° D_1_49

Image de la page

Anonyme [1651], LE MANIFESTE DE LA REINE REGENTE ET DE MONSEIGNEVR LE DVC D’ORLEANS Touchant la disgrace du Cardinal Mazarin. , françaisRéférence RIM : M0_2358. Cote locale : D_1_49.

que tres conformes à ceux qu’vn souuerain doit
conceuoir de son authorité ; & la Reyne mesme
bien loin d’en entrer en jalousie, sera peut estre
la premiere à conspirer auec son Mazarin, pour
les faire gouster à son fils : Mais enfin il ne se peut
que le naturel de ce Prince n’en reçoiue de nouuelles
impressions, qui luy feront regarder la souueraineté
d’vn autre œil ; & qui luy faisant faire
de plus serieuses reflections sur la grandeur de son
pouuoir, luy donneront d’autant plus de degoust
de la dependance, que plus il se verra flatté par
les allechements de regner en independant. Aussi
ne faut-il point douter que Mazarin le considerant
dans vne plus noble presomption de son authorité,
ne recharge derechef sur son esprit, pour
en effacer entierement tout ce que les tendresses
y pourroient encore auoir de part, & ny laisser
que les seules idées de sa souueraineté : Pour cet
effet, il seduira si bien l’esprit de la Reyne, qu’il
l’obligera de porter son fils à des resolutions apparemment
bien concertées, & en effet tres-dangereuses,
lesquelles reussissant tousiours à la honte,
& au desauantage du Roy, soit par leur mauuaise
œconomie, soit par les secrettes menées de
ce perfide, luy donner ont infailliblement du dedain
de sa conduitte ; & le dessein de ne se gouuerner
plus par ses conseils : pour lors Mazarin
prenant adroitement son temps, se sentira obligé